نجم ظهر واختفى نوره

بحرالكسره=
نجم(ن) ظهر واختفى نوره = ضيع حسابه في مطلاعـه
ضاع الوكب وانتهى دوره = وما ضن يخرج لنا شعاعه
بيان الصمت=
دامه نجم ناظـر ظهـوره = ما حاطه العلـم للساعـه
واللي حكم قـد منظـوره = غلطان في حسبة اوضاعه
بحره الكسره=
جيتك ياصاح مشكـوره = تبري عن القلب اوجاعه
لو يظهر العين مسروره = الروح بالـود ملتاعـه
بيان الصمت=
نظرتك بالياس محصـورة = وحكمك على الظن مرجاعه
والمرء يسعـى بمقـدوره = على الأمل يفـرد شراعـه
بحرالكسره=
وده نبت طشلـي بـذوره = الروح بالصبـر جراعـه
القلب في داخلـه فـوره = الهب لي الصدر واضلاعه
بيان الصمت=
حافظ على الود وزهوره=واكتم على السر لو ذاعه
واحرص على حزّة سروره=يعلن لك السمع والطاعة