إلى الشاعر القدير بخيتان البشري....

علي عيد=
وين التقي لي طبيب يفيد=يفيدني بالدواء في داي
اللي معي يستجد ويزيد=ويعيد سقمي بكل عضاي
بخيتان =
نكدت لي خاطري تنكيد=من حال تشكيه هد قواي
فند لنا المشتكى تفنيـد=آساك كنه آسى فحشاي
علي عيد=
يابو محمد على ما أريد = عيت تحقق معي رجواي
الوضع ماهو لنا فالأيد = هذا الذي زاد في بلواي
بخيتان=
حرف المثل ما حوى تجديد = حتى نبادر لكم بالرأي
ماراح لاعاد فيه تعيد = عطنا جديده معك فالجاي

هونها وتهون ياابوعيد ربك من فوق يفرجها عليك انشاءالله
الاخ القديرعلي بن عيد البشري والاخ العزيزبخيتان البشري
صحت السنتكم مليون ولا تكفي وبيض الله وجيهكم ودام عزكم
ماهوا غريب الابداع على بشرفهم اهل للابداع محاوره في قمة الابداع والروعه
من بدع وايضا الرد الله يعطيكم الصحه والعافيه
تقبل تحياتي وتقديري