عتاب بين ( عبدالإله الشريف & ماجد أبو مديدة )

دار هذا اللحن بين أخوكم عبدالإله الشريف & الشاعر ماجد أبو مديدة يوم الثلاثاء 21 / 12 / 1430هـ

عبدالإله الشريف=
بسم الأخوة وحكم الود=اللي بشرواك تجمعنا
نلقي السلام النقي ونود=نفصح عن القول واسمعنا
ليه اختلاف الوفا والمد=ويش الذي مختلف معنا
لايكون صرح الوداد انهد=ولا حصل شي يمنعنا
ماجد أبو مديدة=
بسم الإله الودود أعد=أحلى التراحيب في معنا
راسم غلاوة وداد مود=يفرح بوده ويتمعنا
والوافي اللي كماكم عد=مانقاطعه لو يقاطعنا
رغم إنك أخليتنا في الجد=ولاجبت معذار يقنعنا
عبدالإله الشريف=
حنا معك فاللزوم نسد=ورضاك غاية مطامعنا
وقصورنا ماحصل من قصد=لكن قدرنا يمانعنا
وإنت بحكم الرفق لابد=تعتب علينا وتردعنا
وما تاخذ المسألة بالضد=وتكبنا ماتطالعنا
ماجد أبو مديدة=
شرواك مايغيب مستقصد=وإنت على ماتوقعنا
يامن لحال الوفا تنشد=من أجل إفادتك سارعنا
وإن كان تبغى حكم يرشد=واجبك تبرير مانعنا
لجلي لخصمك خصيم وند=ودروب الأوجاب تاسعنا
عبدالإله الشريف=
تبريرنا ممتثل فالرد=اللي انذكر في مطالعنا
وإذا قصر عذرنا ما سد=بالحق واجب تشرعنا
واليوم جينا نمد اليد=تكفير منا لواقعنا
وابشر بما تطلبه وأزود=عساه عندك يشفعنا
وياصحابنا سامحونا=

	عبد الاله الشريف محاوره رائعه وصت السنتكم وبارك الله فيك

ياسلااااااااااام على العتاب والكلام الرايق
صحت السنتكم وبيض الله وجيهكم

عبدالاله الشريف وابو عبدالله اهل الوفا محاورة رائعة بين شاعرين رائعين ومعروفين صح الله لسانكم
وادام على العز بيانكم
تقديري واحترامي

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت أبدانكم جميعا لاعدمتكم

تقبلو تحيتي !!!