ملعبه بين ناصر البشري **سعود المبيريك

تغير اسمك حمر ياناصر البشـري=وانا سماوي مثل ماكنـت ياناصـر
شفت الخبر بالشريط الأحمر المقري=وقلت استهلت نبي ننشد عن الماطر
الله يرفع قدر شخصٍ رفـع قـدري=فاتت عليكم وحق الطبـع للناشـر
والا انت شايب كبير السن ومهذري=مابك نشاطٍ ياكود لسانك الشاعـر
خابرك يوم نغزي عمرك كبرعمري=والسحر لاتتبعه يقلب على الساحر
من قبل مايعلنون الترقيه نـدري=والخاسر المشتري والرابح التاجر
لا صرت تدري على ما قلت من بدري=ما قلت مبروك ليّـه غيـر بالآخـر
تبي تغرّ العرب في هرجك السحـري=لاشك ما هو علي اسلوبـك الماكـر
اثرك ماطبت من وسواسك القهري=اليا توضيت قلت الماء ماهو طاهر
كان انت ماطبت عندي قروة تبري=علاج وحده بوحده تبري الحاشـر
الكون لو ضاق كله ما انحشر صدري=وأقرأ على الجن واشهد توبة الفاجر
بس انت متغيرن ما انته على خبري=الشيـب داخلـك وتخفّيـه وتكابـر
الظاهر انك قلبت بمدخـل الكبـري=انته ترقدت واسلـم جنـك الكافـر
ودك تصيد وشيبك جفـل القمـري=صورتك خدعه والا انته شايبن دامر
اللي ذبحني غزال بحبه العذري=اردوفها بارزة لو بطنها ضامر
تقول ذنبي عليك ولاقبلت عذري=بلوى تبلّت خويك وانته تناظـر
احذر توهق وفكر قبل ما تشـري=بالليل ماتعرف البكره من الفاطر
اختار بين الثلاث الأصغر العفري=وتراك خابر وانا باللي جرى خابر
القسمة اللي يرجّحها عدد عشـري=ما لي بها يارفيق الدرب من خاطر
لو كان قلبي على كيفي وتحت امري=اخترت من هالثلاث الطيـب النـادر
خذ النصيحه صحيحه قبل مانسري=الدرب ملغوم يا ابن العـم لاتغامـر
اقصر اخطاك ويجيلك صاحبك يجري=ارم الشبك له وخلك حاذق وماهـر
ياسعود صدري هو المستودع لسرّي=والا الليالي حبالى والزمـن عاقـر
كان الـذرى لايظلّلنـا ولا يـذري=عيبٍ على اللي يطاول ظلّه القاصـر
اليا اوفيت في نذرك انا اوفيت في نذري=والدين ممنوع ندفع حاضـر بحاضـر
ادفن ويدفن معي سـرك وانـا بقبـري=اموت ما قـال قـوال العـرب غـادر
ياسعود يعجز على توصيفها فكري=سبحان ربٍ خلق فيها الحلا ظاهر
كن الحلا مكتسيها والدلع فطـري=اموت واحيا بنظرة طرفها الخادر

صح لسان الشاعرين ناصر البشري **سعود المبيريك


وبيض الله وجهك على النقل

صح لسان الشعار الكبار


وبيض الله وجهيهم

مشكور على النقل

الأخ نشمي المطوع

مشكور يعطيك العافيه جهود رائعه

بارك الله فيك

محاوره رائعه لشاعرين رائعين

صح الله السنتهم

تقبل تحياتي

ودمتم بخير

يعطيك العافية


صح لسانا الشاعرين


صراحة محاورة ممتعة و راااااااااااائعة

صح لسانكم وعلي شانكم

صح لسانكم ياشاعر

بيض الله وجيهكم

صح السانهم
وبيض الله وجهك على النقل

يعطيك العافية


صح لسانا الشاعرين

صح لسان الشاعرين ناصر البشري **سعود المبيريك


وبيض الله وجهك على النقل