ديوان الشاعر مشعل سالم النويمي

ليه إتسمّع حكي المغتاب = لاطاّوع اللي قصد تخريب
اللي وشى بيننا كذاب =إحرص لاتحكم قبل لاجيب

حتى انت جاني أسى منّك = وتزيد في قسوة ظروفي
والله كان الأمل إنّك = إتصون ودي ومعروفي

مشعل

مهما أزوّد مهما قلت = ماوفيك يابحر فاخلاقك
كل المعالي عليها نلت =والذوق زايد مع القابك

بحر الكسرة

الطيب جوده عنه ماحلت = مادام مبني على ساسك
مهما عطينا ومهما شلت = الجود يحتار فقياسك
انا البحر بالوفا كملت = لي الشرف جيت مجلاسك
إرجال فالملتقى حصلت = بالعز والطيب ترقابك

هجرت ناسي عشان ارضيه = وتركت كل البشر لاجلُه
واليوم اشوفه نسى ماضيه= فديار غيري مشت رجلُه

ياما شربنا من الصافي = ون عكرت ماعليها حسوف
الحمد للي لنا شافي = وانعم علينا عيون تشوف

درب المحبة الم وجروح = يبقى اثرها مادامك حي
مهما اتناسى ابد مايروح = لابد يبقى ذكر من شي

يكفي من الصد والحرمان = اللي حصل منكم كافي
ياما شرحنا لكم ندمان = ولا زال قلبي لكم وافي

لاوين ياحظنا لاوين = تجري بنا افقادم الايام
ياهل ترى حظنا فالزين = ولا اتمايل معي قدام

حبيبي هجرك اسى وجراح = خلا الالم يسكن اضلاعي
الحب ماهو لعب ومزاح = انظر فحالي لنا وراعي

قال المثل والمثل نوماس = يبقى مع الوقت وسنينه
منهو يحقر ايقل الناس = ذا شخص ناقص فتكوينه