هذا اللحن مع الشاعر سكري بريدة

====








====








====








====










====









====

بخيتان =
دامك رطب سكري مرغوب=وخلاص مثلك رطب جيتك
لاشك شاعر ولك أسلـوب=ويطربني الحرف لوحيتك
سكري بريدة=
يا مرحبا راعي المكتوب=يرتاح بالي الى اطريتك
بحرفكم كم ملكت قلوب=الشاهد الله حبيتك
بخيتان =
راعي وفا ما عليك حجوب=في وسط الأعيان حطيتـك
شاعر وعند العرب محبوب=ومن صادق إحساس عزيتك
سكري بريدة=
القيل من يمكم مندوب=ناديتني ثم لبيتك
العلم من يمكم مطلوب=ليتك تبين لنا ليتك
بخيتان =
هيا أستمع حالي المقلوب=وافيدنـي بعـد وريتـك
اشكي لك الوالع المشبوب=حتى الصبر قال مليتـك
سكري بريدة=
لاباس يالصاحب الحبوب=معناك مخفيه في بيتك
ان كنت متولع برعبوب=وتداري الود اعفيتك
بخيتان =
إنته حبيّب لنا محبـوب=وكلام فالـود ماعطيتـك
لاتزيد حالي عليّ صعوب=ابحث بحالـي تمنيتـك
سكري بريدة=
ماقول فالود قلب يذوب=انشد خبرك وتحريتك
مادام تشكي علي وجوب=اسعى واوصل عتب بيتك
بخيتان البشري=
خلآ الآسى وانتحى مغصوب = ولو بشرح الوضع بكيتك
وأصبح جدار الآمل مشطوب = للشام بالعلم وديتك
سكري بريدة=
الان من شاشة الحاسوب = بيان صادر على ايتك
الود دامه بلا عذروب = وانت على نهج وفيتك
عمر الامل ما تجيه شطوب = في مثل ذا الامر خطيتك
اصبر وخل الامل مرقوب = ولا تقول للود رديتك

بخيتان البشري
صح لسانك يابو محمد
وصح لسان سكري بريدة
محاورة من الوزن الثقيل رائعة وممتعة لشعراء كبار
اسجل اعجابــــــــــــــــــــــــــي وتقديـــــــــــــــــــــــري
وتقبلوا تحياتـــــــــــــــــــــــــــــــــي

لاهنتم وصح الله السنتكم



تقبلو التقدير والاحترام



وفقكم الله

الاخ القديرابومحمد والاخ العزيزسكري بريده

صحت السنتكم وبيض الله وجيهكم

محاوره رائعه من بدع وايضا الرد الله يعطيكم الصحه والعافيه

تقبل تحياتي وتقديري

ان كنت متولـع برعبـوب = وتـداري الـود... اعفيـتـك

صحت السنتكم وبيض الله وجيهكم لحن جميل وراقت لي وقفة سكري بريدة هنا
الله يعطيك العافيه يابو محمد دمت بخير وصحة

صحت السنتكم
بيض الله وجيهكم على الكلام العذب

صحت السنتكم
والله يـعـطـيـكم الـعـافيـــــــــــة
بيض الله وجيهكم

لقاء عمالقة صح الله لسانكم وادام على العز بيانكم وبيض الله وجيهكم
تحياتي وتقديري للجميع

الاخ القديرابومحمد والاخ العزيزسكري بريده صحت السنتكم وبيض الله وجيهكم محاوره رائعه من بدع وايضا الرد تحياتي وتقديري

ياسلاااااااااااام على الابداع
محاوره استمتعت بها كثييييييير
الله يعطيكم العافيه