ديوان الشاعر(بخيتان البشري)

بخيتان البشري =
إن كان تسمح يابن وازن = تفيدني قدّ ماتقدر
كيف اجعل الأمر متوازن = هذاك قدم وذا واخّر
بن وازن=
أبشر من العين يا رازن = راعي الوفا عنك ما يوخر
قدرك تقدم مع المازن = وسحابت الصيف ما تمطر

عيّيت لا أنساك ياجيهان = من بعد قفّت بك الأقدار
والله من يومها للآن = ودموع عيني عليك أنهار

ابومبارك اليوبي=
يابومحمد وش اخبارك=عساك طيب ومتعافي
عسى المطر بارك اديارك= والناس تافي وتستافي
بخيتان البشري=
يامرحبابك يابومبارك=ابشرك ماشي خلافي
والخير يالحر متشارك=وراع الوفا مثلكم وافي
ابومبارك اليوبي=
عسى البقا والسعد فالك=منك العسل مشهده صافي
ياطيب نفسك ياعزجارك=والخير من يمكم لافي
بخيتان البشري=
يامن على الراس منزالك=دايم لمد الوفا تافي
بالطيب عليت مقدارك=ومن خيركم خيرنا مافي
ابومبارك اليوبي=
يابخت منهو تعنالك=اشوف وتشوف ويشافي
لضيف دايم تشب نارك=من طيبكم جيتكم حافي
بخيتان البشري=
لا شك نفرح فإقبالك=عزيز مثلك لنا ضافي
وانكان هونت جينالك=وابحتسي طيب ولحافي

يقول مافي صعيب أصعب = من حالي اللي لكم بشكيه
كشفت له حالي الأصعب = اللي سنين العمر تبكيه

يخطف سنا برق ثغرك خطف = لي البصر كل مالديت
ياهيه نحتاج منك العطف = جرحت جَرحك وماداويت

حزام ناسف=
سلام ياكاسبين الطيـب =من بعد مازان لي معناه
أقول ماعنٌكـم تجنيـب = يابشر ياهل الوفا والجاه
بخيتان البشري=
يامرحبا غاية الترحيـب = من هاجسي خاطري غناه
تشريفكم للبشور يطيـب = عزيز مثلـك ولانشنـاه
حزام ناسف=
تبقـون طوعتهـا تهذيـب = والكل يدرى علـى ممشـاه
لاجل الخبر تحت ناب الذيب = اللي على الضلع لج عـواه
بخيتان البشري=
نشيد بأهل الوفا ونهيب = والعاقل الدرب مايغواه
ياذيب عطنا على ترتيب = علمك وبيّن لنا فحـواه
حزام ناسف=
يامرسلي فوق وارد جيب = أنصى بخيتان في مشحاه
قله معبد شباب وشيـب = يرجون والأجر لاتنسـاه
بخيتان البشري=
الله عسى العاقبات تصيب = وتفرّح الكل في منجاه
قدام هذا الخبر لاتجيب = ومن بعده السعو ماهملناه
حزام ناسف=
اللي حصل أمـر عالم غيب = واللي كتب ربنا نرضاه
ومـن يــمكـم مـالحقنا ريب = والكـل مــنا يحث خطاه
بخيتان البشري=
ثقتك بالله بك لا تخيب= والآدمي ما كِتب له جاه
دعوة بالأسحار رب مجيب = برحمتة مطلبه لباه
شمس الآمل شارقة متغيب = وما راده الله بنا سواه
عسى جروح العباد تطيب =واللي رجآله رجا يلقاه

العبيدي=
تكفين تكفين يآرسآله=قولي لهم قلبنآ مشتآق
يمكني قصّرت فوصآله=بس الفكر يمهم منسآق
بخيتآن البشري=
اخوك نشبان في حاله=منكم ترى خآطره مآضآق
دايم وشرواك في باله=ياصاحب الشوق والأشواق
العبيدي=
الله يسآعدك فالحآله=يآهم يآغلب او فآفرآق
انت عليك الصبر نآله=لآبد بعد الغروب اشرآق
بخيتآن البشري=
مايوم فكرت فهماله=واصبر على شئ ماينطاق
اقوم واقعد فأقباله=ومع كل هذا معي ماراق
العبيدي=
انا ادري انه معك عاله=يجرحك والجرح ذآ حرآق
خله بذكره على فاله=وخلك على مواجهه سبآق
بخيتآن البشري=
ماطابق اقواله افعاله=منه الحزن داخلي اطباق
اصبحت مرمي على جاله=عاشق وقلبي معه عشاق
العبيدي=
الصبر لابد تلجاله=مآدآم قلبك بهم خفآق
العشق معروف من طاله=يلقى الصدر من وداده ضآق
بخيتآن البشري=
الصبر من كثر ماعناله=ليا شافني يقلب الأخلاق
يقول ماعاد يبغاله=ويرد قلبي بلاش نفاق
العبيدي=
غيرك تعنى وتشقآله=واصبح لكثر الحزن ذواق
مير البلآ بعد مآطآله=شآف السحآبه بلآ برآق
بخيتآن البشري=
كل(ن) وله ذوق يحلآله=دام البشر فالحيآة اذواق
مهما الزمن بعدنآ طاله=بعيش به فالحياة تريآق