 |
 |
 |
 |
|
 |
||||||||
 |
|
 |
||||||||
 |
 |
|||||||||
 |
|
 |
||||||||
| مــلتــقــى دواوين شــعــراء الــقــوافــي [ جميع الشعراء ] |
 |
|
|
أدوات الموضوع | إبحث في الموضوع | انواع عرض الموضوع |
|
|
|
|
|
|
||||||||
|
|
|
||||||||
|
|
|||||||||
|
|
|
||||||||
| مــلتــقــى دواوين شــعــراء الــقــوافــي [ جميع الشعراء ] |
|
|
|
أدوات الموضوع | إبحث في الموضوع | انواع عرض الموضوع |
|
|
06-12-09, 10:20 AM
|
#1 | |
|
إداري سابق
|
بسم الله الرحمن الرحيم
السلام عليكم ورحمة الله وبركاته قصيدة قالها الشاعر / محمد العمري رحمه الله في مدح الشاعر العلم عبدالعزيز أبالعون رحمه الله ...
يا طير سلم لي ليا جيت أبالعون = يعرف محله بينٍ بالقصيمي في مجلسه عصم الشوارب يرودون = فعلٍ تبنى منهجه من قديمي بلغ تحياتي وأنا منك ممنون = عسى مطيرك بالجناح السليمي إعداد ما لبوا حجيجٍ يطوفون = وحرك غصون الراك هب النسيمي وأحلى من الصافي عن اللمس مصيون = سلسال نحلٍ بالخلايا نجيمي يرضون وإلا على غير يرضون = له عندنا منزال قدرٍ حشيمي مير اقهرن يا سبق الحصن بالهون = نزله على عذب المشارب مقيمي اللي مواقيفه لها الناس يدرون = يوم استخال خيال سحبٍ وديمي ما قال يا فزع المناعير تكفون = باسه على دوس المعارك غريمي عقب الرجال اللي على الفعل يافون = أسلافهم لا خلافهم بتعليمي دفانة الركبة ضحى جضة الكون = عاده يمنّى ضدهم بالهزيمي عقب اللقاء بمرهفة كل مسنون = يا ما تقسم بينهم من وسيمي واليوم أمان وخادم إبليس ملعون = على الشريعة حكمنا مستقيمي حكم السعود اللي على الحق يمشون = في عهدهم ما ساد حزن اليتيمي عطيت نبذه والعوارف يعرفون = ما يلتبس بأسلوب صنعه غشيمي غرايبٍ من دولب الفكر مازون = ولاني على الدنيا الوحيد الفهيمي أقول وأهل الصنف مثلي يقولون = كم شاعرٍ بأسلوب شعره حكيمي الشاعر/ محمد العمري ،،،، رحمه الله |
|
|
|
06-12-09, 10:22 AM
|
#2 | |
|
إداري سابق
|
[’][ والله يالولا الله فزع لي بــ أبالعون ][’]
بسم الله الرحمن الرحيم
السلام عليكم ورحمة الله وبركاته هذه القصيدة قالها الشاعر/ سعود بن دعيع الزغيبي الحربي في مدح ورد ثناء للشاعر عبدالعزيز أبالعون رحمه الله ...
سميت بأسم اللي بدا الكاف والنون = ما بين كاف ونون والعلم تمه الخير اللي له عباده يصلون = اللي شمل فضله على كل الأمه مادام عبده حي والرزق مضمون = متكفلٍ به حين بالرحم ضمه هو ما ينام وكل خلقه ينامون = وأرحم من الوالد لطفلٍ يزمه البارحة جتني هواجيس وشطون = النوم لا يمي ولاني بيمه هاجوس ما ودي به الناس يدرون = لو ما قرب درب الردى والمذمه والعين كن بوسطها شب وفنون = صقطات لقطاتٍ على الكبد سمه يا فاعل المعروف بالنذل مغبون = يمكن يجي مع الضعف ضعف ذمه الطيب بالنذال يغسل بصابون = خسران كنه جادعه بالمقمّه من ينكر المعروف والطيب ملعون = لا تامنه لو شفت فوقه معمّه والظن ما عرضه مع الناس مصيون = إليا طرى طاريه كلٍ يزمه اسلاف واتلافٍ على غير قانون = ضاعت عساه يضيع بالقار دمه حتى يتذكر جور الأيام وشلون = ويعرف عقب الجور خاله وعمّه يا ناصرٍ موسى على جند فرعون = تقبل دعاء اللي ضربته مستشمّه عزاه يا صدرٍ من الهم مشحون = أجاحد همومٍ بصدري تخمّه ضاعت هجوسي بين صاحي ومجنون = أحدٍ يحفر البير وأحدٍ يدمّه تميت خمس سنين صابر على الهون = مع مومسنٍ كني غريقنٍ بجمه والله ومر رجلٍ به الجود مضمون = عبدالعزيز حمود بألاسم سمه وابديت لـ أبن حمود ما كان مكنون = والخير واجد مار أنا كيف ألمه والله يا لولا الله فزع لي بـ أبالعون = لا غاص بي ناب الدهر رحت يمه لا قلت يا أبن حمود يقول ممنون = لا صار ياجد لا زمي ما يهمه يفداه عفنٍ لو ملك مال قارون = ما يكسب الحسنى ولا بـ أبن عمه والا أبو خالد له رجالٍ يقرون = تنشر له البيضاء على راس قمة الله يفرج له من الكرب والهون = اللي فرج كرب الزغيبي وهمه في جاه من خلقه ببيته يلبون = يرحم أبوه حمود ويعافي أمه إلا ومع ذالك ستيرٍ ومأمون = ما يعمي عيونك بلفحات كمه أنا غني ما ودي الناس يدرون = يضحك عليّ اللي ديونه مطمّه الشاعر/ سعود دعيع الزغيبي الحربي |
|
|
|
|
19-02-10, 03:20 PM
|
#3 | ||
|
إداري سابق
|
[’][ دفانة الركبه ][’]
.يا منيف قلبي فيـه مثـل الدبابيـس = قامـن يغـزنـه بثـومـة فــوادي الله مـن قلـبٍ بحكـم الهواجـيـس = لو جيت اعـدل فيـه صارارتيـادي ليه علـى غـرات قلبـي جواسيـس = افهـم مراميعـه ويفـهـم مــرادي ماني وانا ابو حمود تيسٍ ولـد تيـس = اللـي علـى السكيـن باذنـه يقـادي انـا ليـا كثـرت علـى الوساويـس = ليـه علـى زيـن المثايـل مبـادي ليه علـى زيـن المثايـل مراويـس = واليـا بغيـت اقـول مانـي بغـادي ابمـدح الممـدوح واخلـي الهـيـس = اللـي ليـا سمعـوه قالـو وكــادي الشيخ يـا نايـف سلايـل طعيميـس = هـو الأميـر وخـل عنـك الـدوادي هو الأميـر وخـل عنـك الهراميـس = شيخ الشيوخ اللـي يعـزل السـوادي اللي يطش الراس والغمـر والكيـس = بالنار لو حـده مـن الوقـت حـادي ما يذبـح الا البـل كبـار النسانيـس = تلـع الرقـاب مفتـلات العـضـادي اللـي بزورونـه ولات المحابـيـس = درع الدروع اللـي حلاقـه جـدادي وادي الرمه ماهـو بـوادي بليعيـس = اللـي يدقـن بــه ثمانـيـن وادي والـدر والمحـار عنـد الغطاطيـس = ولا كل من غاص البحـور استفـادي ولا كـل رجـالٍ براسـه حواسيـس = ولاكـل تلمـيـذٍ تعـلـم اسـتـاذي ولا كـل رمـايٍ يجيـد الملامـيـس = ولا كل من يركض ورى الصيد صادي ولا يأمن الخايف من الخوف وينيـس = وحتيش لو انـه فـي محـلٍ بـرادي ما يدفـي البـردان كثـر الهداريـس = الهمـل يـا نايـف ليـا بـاد بـادي والنـاس فيهـم طيبيـن وهلابـيـس = هذا على مـا قيـل حسـب اعتقـادي والماء على مجراه يمشي ليـا ريـس = الا ليـا عـارض طريقـه سـنـادي والهرج مـا تجـر رجـالٍ مفاليـس = والكذب مـا ينفـع خطـاة الربـادي يقول انا سيست مـن غيـر تأسيـس = والسـاس فاسـد والمسيـس فسـادي اللـي كبارتهـم كبـارة نحاحـيـس = كبارالنـفـوس قليلـيـن الـرشـادي عيال الشيـوخ مجدعيـن الملابيـس = لاشـك مـا بالنـار غيـر السمـادي تـرآي اخـص الخايبيـن الدنافيـس = واقصر عن اللي يفصمون العضـادي واحيسفي ليـت السوالـف مراميـس = اضنـي انساهـن ويبـرى جـوادي اللـي ليـا كثـرت علـي اللواليـس = يجلى صدا كبـدي نهـار الطـرادي ليا صار يانيـاف ضلمـا وغطاليـس = طلعـت انـا وايـه روس الحمـادي ما ينوصف مثلـه بغيـره ليـا قيـس = حصان الطراد اللي عليـه اعتمـادي وحنا بوقت اليوم والا امـس لاابيـس = ناقـف علـى راس الطويلـه ننـادي دفانـة الركبـه سلايـل عويـويـس = اليا احتما بالكـون ضـرب الهنـادي البا اختلط حـس اللابيـس وابليـس = وغدا لهن عنـد الطريـح اجتـلادي عاداتنا يا منيـف كسـب النواميـس = سقم الحريب اللي على البوش عـادي نسوقهم بالكـون سـوق الحراسيـس = ونصيدهم صيـد العـرب للجـرادي نجيبهـا مـن روق والا السناعيـس = على القـدى والا علـى غيـر قـادي دايم ننكـس تاهيـه الـراي تنكيـس = دون البيـارق والركـايـب نـفـادي امر من صبـرٍ عليـه الحـزا ديـس = مـرٍ علـى كبـد العديـم ونـكـادي واحلى من العنقـود بيـن البرانيـس = ليا جابـه الخـراف وقـت الجـدادي حلوين مريـنٍ علـى راعـي الفيـس = ولنـا علـى كـل المياديـن نــادي واليـوم راحـت للقلـم والقراطيـس = والذيب هـو والشـاه يأكـل وهـادي بظلال أخو نـوره بعيـد المناطيـس = سبع السبـاع اللـي يشـق الثنـادي يرضـون والا يزعلـون العواسيـس = الكـل عينـه تهتـنـي بالـرقـادي تمت وانا مانـي حصـان الدويهيـس = اللـي عـن العنـان كظـم عمـادي والنار يـا نابـف بـروس المقابيـس = وانا ترايـه ضرمتـي مـن زنـادي [table1="width:70%;background-color:black;border:4px ridge burlywood;"] | [/table1]الشـــاعر / عــــــبدالعـــــزيــــز حمود أبالعــــــــــون . . . . . . رحمه الله |
|
|
|
|
20-02-10, 01:31 AM
|
#4 | ||
|
إداري سابق
|
[’][ الحر تكفيه الأشاره ][’]
يا محمد لو تعلمنا الحضاره = الشقا قبل الحضاره عارفينه اشهد اني ضقت من شوف العماره = وشوف سكان البلد ومواضفينه يا حلو شم الهواء في راس قاره = براس مشرافٍ ينومس مرقبينه تلعب الغربي براس كل تاره = من شمال ومن جنوب وعن يمينه بالربيع أو واصلٍ راسه خضاره = والزهر تلقاه موجودٍ بطينه مثل زل الروم يعجبنا جماره = والعرب قدام وصفي واصفينه شف قلبي شف نبته وانتشاره = كل فيضه صايره مثل الجنينه والسفر يبري عن الكبد الحراره = وشوف من لا تود يامحمد غبينه راكب اللي ما شرينا للتجاره = مشترينه للطلب ومكملينه كامل الاوصاف نمره واستماره = من شمال الرس عبا بالنزينه يوم دق السلف واستوصل شراره = كن نشناش المطر حس المكينه فيه من الصاروخ طلعه وانحداره = يوم يهوي كنه اهواي السفينه يلفي اللي منتوينه بالزياره = ما دعانا مار حنا منتوينه الأديب اللي على باب الوزاره = عبقريٍ كن عين الحر عينه ما جلس مثله راس الإداره = خص من باب الكويت اليا المدينه بالحموه والمروه والشطاره = لو بهم من تالي الأجواد عينه كل طيب له على القمه مناره = وكل دارٍ في عمالقها حصينه وكل راس فيه يالعطني نعاره = مار انا غنيت والفرصه ثمينه وامدح اللي زاد عنهم بالمهاره = امدحه والناس مثلي مادحينه ضابطٍ نفسه على عز ووقاره = والكرم والجود مرسوم بجبينه زايدٍ شبره على كل الشباره = يوم خطو اللاش نفسه ما تعينه كم ضعيف طلعه وانهى قراره = طلعه من بين ناسٍ حاسدينه طلعه بين الثعالب والسعاره = يوم سودان القلوب معقدينه ما بهم غير الهواله والقماره = والحسد ماجود مع مع شين الضغينه والحكومه من سوالفهم محاره = ذنبهم من بينهم متقاسمينه وان حصل بالقول مده وانكساره = العقول اللي مخاطبهم رزينه قلتها والحر تكفيه الأشاره = والكلام يسد عن كثره سمينه وأنت يا سليمان نمرٍ من نماره = من نسب عدنان وأصلك من مزينه ربعي اللي ينجحون بكل غاره = اهل التوحيد والشلفا السنينه والأ مانه والديانه والطهاره = عندهم يوم الموسوس كب دينه ينصرون الدنين ما فيهم غياره = فعلهم كل القبايل خابرينه وكل راسٍ فيه يالعطني نداره = ما نسب الناس والذمه رهينه قالها اللي يوم غنى باختياره = يدفعه دافع وفاء من طيب طينه يدفعه دافع وفاء ماهي جواره = يوم غنى بالتماثيل الحسينه [table1="width:70%;background-color:black;border:4px ridge burlywood;"] | [/table1]الشاعر / عبــدالعزيــز حمــود أبالــعون . . . . . . رحمه الله |
|
|
|
|
20-02-10, 07:03 PM
|
#5 | |||
|
إداري سابق
|
[’][ واطيري اللي كل جزلٍ يصيده ][’]
[table1="width:70%;background-color:black;border:4px ridge burlywood;"] | [/table1]هذه القصيده قالها والدي الشاعر عبدالعزيز أبالعون رحمه الله في رثاء الشيخ حجر بن ناحل رحمه الله رئيس مركز سميراء سابقاً.
واطيري اللي كل جزلٍ يصيده = باز الحرار اللي سريع انفعاله ما هوب مزهافٍ على كل صيده = صيده من الجزلات راس الجلاله طير السعد ماهو طير الهضيده = من ماكرٍ كل النواحل عياله الله يخلي للنواحل شريده = نطاحة الواجب رجال الشكاله ويجبر عزانا فيه ويحل قيده = غت الذنوب اللي على كل حاله عقب السعاده والحياة السعيده = مالت به الأيام وامرس محاله ما جت له الدنيا على ما يريده = وهذي عوايدها تحب الختاله ما ينسي راع الفعول المجيده = راع الحموه والكرم والعداله وديد ونفسه للجماعه وديده = انساه لين اذكر نباه أو خياله لو كان قلبي يامحمد حديده = يذوب مثل الثلج مما جرى له هات القلم واكتب بيوتٍ جديده = بيتين من قلبٍ تزايد اهباله ثارت براكينه ويبكي عضيده = شيخ الشيوخ اللي تقافت رحاله يقوله اللي عبرته في وريده = دمعه يفوح وخبث البين فاله لا والله اللي راح منا فقيده = فقيدةٍ ما ينتعوض بداله مرحوم يا راع السجايا الحميده = كلٍ شهد له بالوفاء والجزاله إليا عطا يعطي بليا وعيده = فكاك عقد اللي تشربك حباله كم من سجينٍ طلعه من من رصيده = يسوق جاهه من ورا راس ماله هو الأمير اللي حياته مفيده = زبن الضعيف اليا لجأ والتجى له الشيخ ابن ناحل بنص القصيده = أرثاه ومن منثله يجوز الرثاله لوكان تسمح لي ضروف الجريده = طولت والمعنى طويلٍ مجاله القول واجد والمصيبه شديده = وانا عن الماجوب مابي جهاله وجدي على راع العلوم البعيده = مير المنايا عجلن في زواله لعل روحه عند ربه شهيده = في جاه من عنا ضحى اليوم شاله تم الكلام اللي حروفه سديده = وصلوا على المختار راع الرساله [table1="width:70%;background-color:black;border:4px ridge burlywood;"] | [/table1]الشاعر / عبــــــدالعزيز حمـــــــــود أبالعــــــــون . . . . . رحمه الله |
|
|
|
|
30-06-10, 12:31 PM
|
#6 | ||
|
إداري سابق
|
[’][ واجر قلبي جر قوس الربابه ][’]
واجـر قلبـي جـر قـوس الربابــــه = ليا جرها اللي راثعن فيـه هاجـــوس عودٍ يلاعـب قوسهـا مـن عذابـه = قلبه على طـرد العــماهيـج ممـــروس ليـا عـوا كنـه صــــــويـب الذيـابـه = مــتعلمٍ يلعـب علـى شـذرة المـــوس البارحـه بالليـل عـنـدي طـلابـــه = نومي على كوعي تقل نوم مضـروس والقلـب منـي جـاه شـي سرابـه = واصــبحت كنه منـي العقـل ملمــوس يابـو فهـد ياشـوق جالـي عذابـه = يازبنهن وان جن عن الضيم والبـوس زبن الضعيف وخيـر مـن يلتجابـه = لياجا على الاجواد خصَه وحاسـوس جنوب بيتـك تقـل مجـزر قصابـــه = جـــــلـود خرفـانٍ جديـدات ورمـــــــوس تقـل تاخذهـا مـن ذوايـب كسابـه = ماتذبح الا اللي تقل صـدر جامـــــوس بيـت الكـرم والجـود نـوَر ترابــــــــه = ياعنك ماهو بيـت عـــــفتـان والعـوس بيـتٍ بـه الثبتـان لهـم ضبـابـــــــه = عـــــسـاه دايـم دب الايـام مـانــــــوس بيـتٍ بنـاه الله وزيَــن رحـابـــــــــه = مــــبني على شيخـه وعفـه ونامـوس بيـت السليـح لاعدمـنـا شبـابــــه = وش عاد لو مالي مع الذود حرســوس أبمـدح الطيـب ويـكـرم جنـابــــــه = شيخٍ ولد شيخٍ خـذا شيختـه قـــــوس جـده خـذا الفنجـال علـى عتابـه = فــــعله يفاخـر بـه ولاهـو بمدســــوس غصبن علـى عدوانهـم والصحابــه = له عـــدِي الفنجال غصبن على الـروس ولا ينسـى دواس قـفـر المهـابــــه = قدام بـدوانِ لهـا سبـر وعســــــــــــوس يجـي علـى مـا بخاطـره ماهقابـه = اللي ليا ركبو علـى الخيـل دبــــــــــوس درعٍ لربعـه عـن خطـاة القـلابـــــــه = اللي بعج الخيل ضاري على الــــدوس تاريخهـم مفـهـوم كــلٍ درابــــــــــه = جدانهم حطَو علـى القـوم كابــــــوس وهـرجٍ بـلا تاكيـد وش ينبغـابـــــــه = لـو كـان ماتاخـذ معانيـه بفلــــــــــــو س الصمـت حكمـه والتمنـي خيـابــــه = خلقك ربك نفس مـن جملـة نفــــــــوس ولا تامـن انـك تستريـح بخرابـــــــه = ولا ينومن ضرسٍ دخل وسطه الســـوس والسيـف مأيقضـب بليـا نصـابــــــه = ولا ينكرب حبلٍ وهو قبـل مــمســـــــوس والنـاس كـلٍ قـد جسمـه ثيـابــــــه = مأينلبس ثـوبٍ وهـــــــو قبـل ملبــــــوس تمت وعبَـر ضامـري عـن جوابــــــه = ولاني على غرات الاجواد جاســــــوس [table1="width:70%;background-color:black;border:4px ridge white;"] | [/table1]الشاعر / عبدالعزيـز حمود أبالعون / رحمه الله |
|
|
|
|
17-11-11, 09:53 AM
|
#7 | ||
|
إداري سابق
|
يامل قلبٍ بين زعلان ومنيس = نوبٍ يسيح ونوب فيه التوايه نوبٍ عليه الهم ياخذ مراويس = ونوبٍ يريحني ويكسب رضايه مدري علام الحظ جتله عواكيس = ابيه قدامي ويرجع ورايه يا منيف قلبي فيه مثل الدبابيس = قامن يغزنه بثومة حشايه نومي على كوعي ولابي حواسيس = أهد وأبني من خلاي بخلايه إلا ان قلبي فيه كثر الهواجيس = ذا له ثلاث سنين بيح خفايه اما يجن اجداد والا مراميس = صاراً عليه سلطةً من سمايه هات القلم ومسطرات القراطيس = والله عليه المبتدا والنهايه وانا ليا هبت هبوب النسانيس = ليه على بدع المثايل هوايه يا راكب اللي يوم يزفر ليا ديس = مثل الرعد صوته يهز البنايه يهوي كما تهوي خلوج القرانيس = جمسٍ على شفي وغاية منايه عده لابن هجاج خل الدنافيس = ضعوف الرجال مضيعين الحكايه جازي ليا كثرت على اللواليس = انصاه ليا منه تلولس رشايه انصا ولد هجاج واخلي الهيس = لو كان أمبر ومن حساب اومرايه اللي يزورونه ولات المحابيس = راس الشيوخ وخل عنك الدعايه انته ومثلك يا بعيد المناطيس = دايم لعصمان الشوارب حمايه وانته يابو نواف مالك مقاييس = فيك الحموه والكرم والهدايه يا ريف هتاش الخلا بالغطاليس = انته مثل هداج مابك روايه هداج تيماء اللي وروده كراديس = ما طبه الغراف ياخذ وقايه تمت وانا ماني مدور لحاويس = ولا شلت من بين الجماعه عصايه شري على العدوان ماهي تلاميس = ولا على ربعي بعيدً مدايه من دونهم حولت وسط المتاريس = لين اشتكوا مني جميع اخصمايه انا وربعي كاسبين النواميس = مني ثنا البيضاء لكل اعضدايه يوم الصياح ويوم حذف المقابيس = عدوهم دقوه دق الوقايه [table1="width:70%;background-color:black;border:4px groove burlywood;"] | [/table1]الشاعر/عبـــــدالعزيــز حمــــــود أبالـــــــعون رحمه الله |
|
|
|
|
| أدوات الموضوع | إبحث في الموضوع |
| انواع عرض الموضوع | |
|
|
|
|
 |
 |
 |
العرض المتطور
