ديوان الشاعر مشعل سالم النويمي

جدة فموعد مع الآخطار =كل ممطرت جدت مصيبة
يالله ترحم ضحايا امطار =والحل ياربنا تجيبه

عهد الوفا راحت ايامه =ايام أهل الوفا موجود
ياكم فقدنا من اعلامه = وللي بقي فوقتنا محدود

ذي قصتي مثلها نادر =الحبر دمي كتبته حروف
المر من يمهم صادر = وانا اللذي قدم المعروف
ياكم جرحنى واناصابر = حتى صبح دمنا منزوف
يالله قدرتك ياقادر =الطف بحالن غدى متلوف

هيا استمع حالة المغبون = من حر مايشوف ويناظر
البعض فالمركبه يجرون = افضيق الشوارع ويخاطر
ماهمهم بالطرق يمشون =عجوز وشايب مع القاصر
طاير وبسرعته مفتون = فحساب انه ولد شاطر
ياليت بالآخرة يدرون = ان اللذي يعمله خاسر

دربي وفا ومكسبي أحباب = ارجال بالقدر معروفه .
مهما اتباعد بنا الاسباب = معذور وكُلا لُه ظرُوفه

ضاع الأمل فيك يامحبوب =من بعد ماكنت اتأمل
ياكم سقيتك عسل مشروب= لاشكر حتى ولا مجمل

مهما تباعدت نذكركم = تبقى فبالي ولك منزال
كل المواقيف تشكركم = واللي عملتومعي لازال

خلك مع الود بين وبين = وساير مع الكل وجدانه
الله يعينك على الخطين =تكسب زهوره وريحانه

مهما اختلفتوا مع الأصحاب = لاتخوض فالطعن وأوجاعه
ساعة غضب طيرت أرقاب = شيطان ينصب لك اخداعه

يللي فدرب المحبة اغويت =خليت قلبي بكم هايم
مهما جحودك وما سويت = لازال فيك الأمل قايم