يالـبحر يامسيّر الامواج

غيرالبشر=
يالبحر يامسيّر الامواج=جوّد همومي بسردابك
برمي همي وافل حجاج=ولاضقت بدق لك بابك
بحر الكسره=
منتج على القول والاخراج = جاك البحر شايل اتعابك
جات الاشاره من الابراج = بحرين بالجود احبابك
غيرالبشر=
يا مرحبا يابحر مدراج=معلوم والكل يدرابك
الهم فيني غدا معراج=معلول والله لي جابك
بحر الكسره =
نورالوفى ينشعل بسراج = فاقد عدوك من غيابك
هات السبب واعلن الافراج = منهو الذي بالاسئ صابك
غيرالبشر=
الهم فيني كما الافواج=واقول يالله طلابك
ظيم تقلد عليه التاج=طوّل على راس اصحابك
بحر الكسره=
ان كان من عرفنا تحتاج = لابد تكشف عن اسبابك
لابد للمشتكي منهاج = لاتخفي الظيم في جرابك
غيرالبشر=
ظيمي تأجج فيني أجاج=العلم ببداه بجوابك
أقفى ابويه بوقت اعجاج=ياقلب مبطي عن احبابك
بحر الكسره=
الصبر فيه الدوا وعلاج = ياللي فقتو من انسابك
لاتجعل النفس في ازعاج = الله بالاجر يعلابك

صح لسان شاعرنا ولاهان منطوقه
ونأسف على الاطاله