تركي/الهم والغم والحرمان...بخيتان/لايهزك الماكر التعبان

البدع/تركي=
أنا حسبت الغضي قد لآن = مادام حان السفر حانا
الله و أكبر عليه إنسان = حطم فؤادي وأعمانا
ياربنا ياعظيم الشان=ندمان وأشكو من إدمانا
فاللي لنا مصدر التحنان=واليوم ماقدر لحانا
وبأشرح الوضع لبخيتان=يعالج الوضع بإمكان
الهم والغم والحرمان=إستوطنوا داخل حشانا
الرد/بخيتان=
لاشك ماكان فالحسبان=حسب الكتاب الذي جانا
اخلف هوى العاشق الولهان=اللي حصل ليت ماكانا
ماخاب من يطلب المنان=اللي معه صبر و إيمانا
مادام ممشاه بالنقصان=انته لفرقاه كسبانا
واخبرك ياحر ياحوران=عالي فمرقاك للآنا
لايهزك الماكر التعبان=خلك كما ذاك و ارقانا