اللغز(377)المتهم به عالم ما سعوا به=محلول ثقب الاوزون=من ماهرمبروك العصلاني

لا تستبسطونه ولاتستصعبونه وصط
ــــــــــــــــــــــــــــــــــــــــــــــــــ ـــــــــــ

يامن يجيب العلم عن شي مرفوض = والمتهم به عالم ماسعوا به
اللي خراب ومنه ابو خير ممروض=امر حدث والعارفين اهرجوابه
فعل حصل كنه على الكون مفروض= من عالم كل العريض افسدوابه
واليوم موضوعه على العلم معروض= عقب بدت مشاكله فكروابه

صح لسانك يا ابو خالد ورمعه على الطاير لو اني اشك انها حادره لاكن البوارديه مايعطون الواحد فرصه

حياك الله يابو خالد وصح لسانك عللى اللغز

المرحب باقي يابو احمد عادتك الترحيب وعلوم الطيب
ويا مهجرس الحرف وين الرمعه

الرمعه راحت يابن راشد == اكتب تحت حرقت الشمعه
والله يالولاك لي ناشد == لنشدك وش صار بالرمعه
وش رايك بالارهاب ومشاكله

صح السانك خذ هالمريميع وشرايك بالحوثيين ويران والوضع الحالي

ابو خالد عندي رمعه بديله لرمعه السابقه وش رايك بالتلقيح ضد فلونزى اللخنزير

صح السانك على هاللغز............ وعندي رمعتين الاوله [سواقة المراءه] والثانية[ طايرات الاستمطار] ويعطيك العافيه

	المشاركة الأصلية كتبت بواسطة مهجرس الحرف

	الرمعه راحت يابن راشد == اكتب تحت حرقت الشمعه والله يالولاك لي ناشد == لنشدك وش صار بالرمعه وش رايك بالارهاب ومشاكله

ـــــــــــــــــــــــــــــــــــــــــــ
قوتك خلك لها حاشد = عجل ترى بكره الجمعه
لغيز تطقه ليا قاشد = تسيل من عينه الدمعه
هههههههههههههه
القافيه قشرا عجزت لالقا شي مناسب
اما طال عمرك وعمر من يرى الرمعه مالك لوى

سعد رجا الحصني
الساري ابو شمس
مرحبا ويا هلا ولازلت انتظر الحل