الخطوة تساوي ميل

هموم الوقت وجروح الأحبة والسهر والليل = اترجمها لصورة تحكي إحساسي وجداني
بكيت ولا شكيت الواقع اللي صدق هد الحيل = اداري عزتي بأقسى حزن من فرح عدواني
انزلها حمول ثقال وارجع للحمول اشيل = اشوف الناس حولي مابهم من جاء و وآساني
عرفت إن الحياة كفاح والخطوة تساوي ميل = وحثيت القدم ما ودي آقف وأنظر احزاني
اشوف إن الحياة دروب لاشمعة ولاقنديل = كسها من ظلام الوقت قطعة تحرق اشجاني
حياتي ! قصة اللي منوته مرة يشوف السيل = وجاه السيل شاله منهو المجني من الجاني
حياه اللي يحللها يلاقي دقة التفصيل = بها يحتار والحيرة تحير كل حيراني
لقيت الفكر يازن فالمعاني والخيال إكيل = وميزان العقل مابينهم كاسب وخسراني
رجعت اقيس في بعض العلوم المعضلة واخيل = ولا ياوجد روحي والخبر لاجاء ولاباني
وصلى الله على المختار عدد ماينطق التهليل = وعدد من طاف حول البيت في تاريخ الأزماني