ديوان الشاعر(بخيتان البشري)

القاسي =
سؤال واضح ولايصعب = في خاطري للجميع ابديه
يامن سبحتو في بحر الحب = في موج عاتي وفي صافيه
له بحر واحــد وله مركب = كل المحبين تركب فـــيه
والا له فروع ومشعب = كل (ن) على رغبته يمشيه
بخيتان=
جواب لجلك وما تطلب =للخاطر اللي نوى مافيه
بنفيد من ماضي مجرب = حسب الذي قلبنا يوحيه
الحب بحره عذاب وطب =ياما ضحايا على شاطيه
احد ن غرق فيه قبل يطب =واحدن فغبه ولايكفيه