إلى حفيد الحجيري مع التحية والتقدير

بخيتان البشري=
ترحيب لافي من الديرة = وفالملتقى صادره مكتوب
عطنا التفاصيل والسيرة = راعي شعر والشعر مطلوب
حفيد الحجيري=
من هاجس ما شكى حيره=دام البقا ياهل الماجـوب
يا حاكم الشعر وأميـره=على خطاكم نسير دروب
بخيتان البشري=
ياحاوي الشعر تفكيره = وللعلم والمعرفة مندوب
خلوق راقي فتعبيره= والآن رحلة سوى بنجوب
حفيد الحجيري=
شرواك ما أكره مشاويره = وفي خوتك ما يجي عذروب
ياطيب الخلق والجيره = هيا ابتدي وانت راع أسلوب
بخيتان البشري=
والم وجهزت تأشيره = بنتجه شرقها وغروب
والجو لابان تأثيره = للكيف ذاك الحطب مشبوب

بعد اجتمعنا على خيره = في ملتقى كل أبوه حروب
عجل على القلب وأشيره = هل الهوى ذنب عنه يتوب

	المشاركة الأصلية كتبت بواسطة حفيد الحجيري

	بعد اجتمعنا على الخيره = في ملتقى كل أبوه حروب عجل على القلب وأشيره = هل الهوى ذنب عنه يتوب

لأجل الهدف هاك تمريره = سدد ودرب الهوى مرغوب
القلب بالود تصبيره = لو هو مخاطر وفيه نشوب

	المشاركة الأصلية كتبت بواسطة بخيتان البشري

	لأجل الهدف هاك تمريره = سدد ودرب الهوى مرغوب القلب بالود تصبيره = لو هو مخاطر وفيه نشوب

الود ما أكثر محاذيره= لكن قلبي هوى رعبوب
ما عاد يحسب مخاسيره = يعني كذا ذاب قلبي ذوب

	المشاركة الأصلية كتبت بواسطة حفيد الحجيري

	الود ما أكثر محاذيره= لكن قلبي هوى رعبوب ما عاد يحسب مخاسيره = يعني كذا ذاب قلبي ذوب

ولد البلد تم تغييره = كافيه عنده وكوفي شوب
ولا احدٍ فذا الأمر بيعيره =وبنت البلد عايشة فقروب

	المشاركة الأصلية كتبت بواسطة بخيتان البشري

	ولد البلد تم تغييره = كافيه عنده وكوفي شوب ولا احدٍ فذا الأمر بيعيره =وبنت البلد عايشة فقروب

هذاك شخص بلا غيره = شخص على العولمه محسوب
ماهوب من يشعل النيره = ما دام بدل بجنزه ثوب

	المشاركة الأصلية كتبت بواسطة حفيد الحجيري

	هذاك شخص بلا غيره = شخص على العولمه محسوب ماهوب من يشعل النيره = ما دام بدل بجنزه ثوب

هل يمكن الكسر تجبيره = بدون غاصب ولا مغصوب
والأمر من من تقصيره = ومنهو فهذا الأمر مغلوب

حفيد الحجيري


بخيتان البشري


سلمت اناملكم والسنتكم


صح الله السنتكم على الكلام الجميل


لكم ودي وتقديري

	المشاركة الأصلية كتبت بواسطة بخيتان البشري

	هل يمكن الكسر تجبيره = بدون غاصب ولا مغصوب والأمر من من تقصيره = ومنهو فهذا الأمر مغلوب

كل على حسب تقديره = بدون ضارب ولا مضروب
والجرح لن زاد تأخيره = لو يلتئم يلتئم معطوب

بخيتآن & حفيد الحجيري ..
ابدأأأأأأأأأأأأأأأأأأأأأع ولايهون عليكم..
صحت السنتكم..
وبيض الله وجيهكم..
لاعدمنآ هـ الآبدآع..
لكم خآلص الود والتقدير..
العبيدي..