ديوان كسرات الشاعر ( بحر الكسره ) ابوياسر

يا الله ياعالم الاسرار = ياعالم الحوت في بحره
منهو نوى لعزنا بظرار = ترجع الكيد في نحره

اسري مع الهاجس الساري = اللي سرابي على مسراه
بلحيل سيطر على افكاري = خاتم سليمان في يمناه

الاتي يلعب مع اليابان = عساه يحقق لناالاهداف
نبغى العزيمه يابو شروان = والنور قايد وله اشراف

الصبر من صبرنا نواح = يبكي على حالي المتعب
قلت العنى ينتهي بفراح = لقيت يوم الفرح اصعب

ياسالم القلب له ونه = واخاف يجني على الشريان
من الذي زاد في فنه = سبحان من صوره سبحان
سالم البشري=
عن مثلك الشور مامنّه=مادام قلبك غداسقمان
لكن عطني خبر عنّه=قدّام لايلحق الوجدان
بحر الكسره=
الحرب في داخلي شنه = واصبحت فالمعركه خسران
العين بسهوم من سنه = تصيب اهدافها باتقان
سالم البشري=
المرء لامن تبع ظنّه=وغرّته نظرة الأعيان
فالنّار لابد يرمنّه=ويموت في ساحة الميدان
بحر الكسره=
الصور زايد على السنه = عري البحر بانت الشعبان
قاسي على الروح لاكنه = يشفي جروح الذي سقمان
سالم البشري=
لم يستقر للهوى قنّه=عشان نحكم على ميزان
واللي يباشي مايكنّه=يبديه للي رمى النيشان
قبل الأحاسيس يعضنّه=ويعاني الجور والحرمان
أمّا يلاقي رضا منّه=أو صد ويقنّع الحيران

القلب بعد الوفى صافي = من ماجرى خاطري مسرور
اشيل جودك على اكتافي = اسنين ماينتهي في شهور
قابل البشري=
عادات راع الوفا وافي =مهما عليه الزمان يدور
وانت لبست الوفا ضافي=ومن يمنا مايجيك قصور

بحر الكسره=
سؤ ال ياحضرت القبطان = ليه العنى محتوي قافه
الا نس حارت وحتى الجان = الورد ليه الاسئ حافه
هزيم الرعد=
منهو على الوجد الأحزان=يشكي عنا كل ما شافه
الورد حسنه على الأغصان= إن تقطفه ضاعت أوصافه
بحر الكسره=
القلب من حالهم سقمان = لولو ويشكي من اصدافه
اللي مضى غالي الاثمان = واليوم بعد الرخا عافه
هزيم الرعد=
أولالك الصبر والكتمان=الود لا تكشف اهدافه
وتكون في رحمة السلطان=ويزيد ظلمه وإجحافه
بحر الكسره=
جاه الجفى جرب الحرمان = الروح با حزان غرافه
ومنهو سقى الزرع في البستان = اكيد يثمر على اشرافه
هزيم الرعد=
ودّيتني ديرة اليابان=يوم الهوى بانت اطرافه
خلّك على الود والأحسان=ما دمت الروح شفافه

بحر الكسره=
هزيم شفته بعد غيبه = استرت العين بوجوده
شاعر على القاف له هيبه = يعطيك من جود مردوده
هزيم الرعد=
من غاب لابد له أيبه=والدار لابد ما يروده
النفس بوجودكم طيبه =لا يا بحر فاض من جوده
بحر الكسره=
الظن يا صاحبي عيبه = والحال زايد عن حدوده
ضاع الامل صابته خيبه = وحبال بالود مشدوده
هزيم الرعد=
كم شقْ في ذا الزمن جيبه=مثل الغصن لنكسر عوده
وقليل لا قالها قريّبه =ويصيب فالظن مجهوده
بحر الكسره=
الصبر اخاف مانجيبه=والغيظ لايفجر سدوده
الحق راعيه مايسيبه=مدام الاجواد موجوده
هزيم الرعد=
من بعد وضحت مطاليبه=وقد بيّن الحرف مقصوده
لا شك فيكـم ولا ريبـه=انتم هل الحق وشهـوده
من صاحب العند ميثيبه=يرميه فدروب منقـوده
ومن قال معذار ما يعيبه=لجل المعاذير محمـوده

النبض زايد عن حدوده = والروح من حرها فاحت
بان الهدف صار فردوده = اشواق في ودهم ناحت

بحر الكسره=
قلت اه من زينه الفتان = اللي رماني على ناره
غريب ماهو من الاوطان = القلب صاده بسناره
هزيم الرعد=
أهتاضت الروح والأشجان=الود تطربني اشعاره
ويلاه من غربة الوجدان=مايفيدك القرب من داره
بحر الكسره=
الاصل يا صاحبي لبنان=عرقه تروى من انهاره
احجز على الطايره الان=الجو يذكر لنا امطـاره