ديوان الشاعر مشعل سالم النويمي

ياعام يللي مودعنا = رايح مودع كعاداتك
ياهل مافيك يسعدنا = ولا المئاسي بسجلاتك

ياقلبي لاتغرك اللمعة = تجري وراها وكلك شوق
كل المعادن مجتمعة = ماتسوى عند الذهب فالسوق

ياصاحبي وصايتي جارك = اوقف معه بالشدايد قوم
اصحك معه فيوم تتعارك = تصفى معك والمحبة تدوم

جاني جواب حضرة المختار= مما كتب فيه حيرني
يشكي من طلعت الاسعار = يالله يارب دبرني

يللي تبصبص على الجيران = من اعلا اسوار في دارك
اوعك تقرب من النيران = بكرة يجوز ينكشف عارك

خلك مسالم ولا تنجر= خلف المشاكل وراعيها
عديمه ودربها خنجر= ياما تخلف مساعيها

ثلاثة ياصاحبي انصحك = الحقد والظلم والريبه
خلك حنين وهو مربحك = تكسبها الناس بالطيبه

ليه اللقيط عندنا ينعاب = والمجتمع دايم ايعيره
مسكين ماله بالاسباب = لاتحملونه غلط غيره

مشعل النويمي

ياعام يللي مودعنا = رايح مودع كعاداتك
ياهل مافيك يسعدنا = ولا المئاسي بسجلاتك

ابن خير الله

لاتخاف دفتر مراصدنا = واقع سجل بحركاتك
واللي يعدل مواردنا= إن زاد خيرك وحسناتك