.. اسمك (يالآهلي) عشقته عشق .. ( كسرتين ) ..

	المشاركة الأصلية كتبت بواسطة ابن السفر

	مبدع يالعبيدي والله لاكن لاحياه لمن تنادي

الآبدآع مرورك طال عمرك..
وش نسوي غير كذآ..
نورت..
لك خالص الود والتقدير..

	المشاركة الأصلية كتبت بواسطة فايز المحيسن

	والله صادق الاهلي كرهني في الكوره ولا نقدر نكبه صح لسانك ياخوي علي ابداع من مبدع

حآل الدنيآ كذآ وش نسوي..
صح بدنك..
الآبدآع تكامل في مروـرك..
خالص ودي..

	المشاركة الأصلية كتبت بواسطة عبدالعزيز الزويهري

	هههههههههههههههههههههههههه ليه كذا يا ابو عمر ؟؟؟؟ النصر الحين يدابج مدابجة في الدوري.. من اول كان ينهزم الحين قام يتعادل يعني فيه تطور ههههههههههههههههههههههه سلمت يا علي و صح لسانك و بيض الله وجهك و الاهلي ما عاد زي اول .. يذكرني بأيام خالد منسي هههههههههه لكن الله يرجع ايامه و ايام النصر دمت بخير

النصر..
لا بالله اني كنت اتشمت عليه وهالحين انقلب السحر على السآحر..
صح بدنك..
ووجهك ابيض..
نورت بهالمرووـر لاعدمنآهـ ان شآء الله..
لك خآلص الود والتقدير..
العبيدي..

	المشاركة الأصلية كتبت بواسطة العبيدي

	\\ // \\ // \\ // \\ // مليت والنفس مقهوره=النآس دوري وحنآ ويش؟ صآر الحلم فالقلب صوره=مآفيش دوري ابد مآفيش .. .. اسمك (يالآهلي) عشقته عشق=مآختآر غيره ابد مآختآر بس ليش قلبي حرقته حرق=وزوّدت فوقه هموم كثآر اخوـكم.. علي العبيدي..

صح لسانك يا علي العبيدي واليك :
:
:
اصبر وهذه هي الكوره = فوز وخساره معاها تعيش
شوف البرازيل مذكوره = دايم مكاسب ترى ما فيش
الثانيه
:
:
سمي برازيل هذا الشرق = من فن لعبه مع الإيثار
حاز البطولات ماهي سرق= باللعب ماهي لِمَن يُختار

	المشاركة الأصلية كتبت بواسطة أمير القلعة

	حياك الله يالعبيدي سؤال:من ذبح الأهلي من الوريد الي الوريد؟؟؟ الشله الفاسده اللي مسوين فيها إداريين وهم والله مايدفعون ريال مسحوا تاريخ الأهلي العريق وجابوه الارض واصبح ملطشه للفتح وطقته ولاداريين والاعبين اللي اصبحوا مثل المعلبات المنتهيه صلاحيتها ياليت يقتدون بجارهم الاتحاد احبك ياقلعة كووس زمان اسف لكل الاهلاويين لكن هذه الحقيقه المررررررره الف تحيه لك اخوي العبيدي

صدقت والله يالخوي ..
بس ربك يفرجهآ ..
نورت بالهمرـور ..
ودي وتقديري واحترآمي..

هقوتك فيه . حل يفيد ؟= ويرجع كم كان فالاول

صح لسانك يالعبيدي
واتمنى ان تعود قلعة الكؤوس كما كانت سابقا

مليت والنفس مقهوره=النآس دوري وحنآ ويش؟
صآر الحلم فالقلب صوره=مآفيش دوري ابد مآفيش

صح لسانك
وكان الله في عونك يالعبيدي
و هاك وجهة نظر:

النفس و اللـــــه معذوره= ما دام الاهلي منتّف ريش
و ان كان تسمع لي امشوره= حوِّل هلالي و تقهر جيش

لا للتحويل سيبقى الأهلي في القلوب لو راح لدرجة عاشرة

العبيدي وكل من تداخل معك شعراً أو نثراً

صح الله الألسنة وأدام العز والبيان

سعدت بمروري وتصفحي

تقبلوا ودي واحترامي

	المشاركة الأصلية كتبت بواسطة الصييفي

	مليت والنفس مقهوره=النآس دوري وحنآ ويش؟ صآر الحلم فالقلب صوره=مآفيش دوري ابد مآفيش صح لسانك وكان الله في عونك يالعبيدي و هاك وجهة نظر: النفس و اللـــــه معذوره= ما دام الاهلي منتّف ريش و ان كان تسمع لي امشوره= حوِّل هلالي و تقهر جيش

مآظن تفهم وش الكوره=روّح ولآتزيد فالتنبيش
لكن للصآفره دوره=خلتك في ذآ الزمآن تعيش

	المشاركة الأصلية كتبت بواسطة العبيدي

	مآظن تفهم وش الكوره=روّح ولآتزيد فالتنبيش لكن للصآفره دوره=خلتك في ذآ الزمآن تعيش

كتبـت يالشيـخ دستـوره= من غير دنبوش او بخشيش
بعض الجماهيـر معـذوره= فريقها مـا يوكـل عيـش