اللاش=و=العذراء

محمدمخضورالمزيني=
مايورد الـلاش ويزمـزم = ينقض ويفتل على الاكواء
يحسب طُهرها كـمااا زمزم = ولا كمـا طيبـة العـذراء
محمدسعداليوبي=
كلٍ بجوده وأنـا أجـزم = أن الحيا والرجال أنـواء
واللي يبي عدلها يعـزم = لا يرده الصوت والأضواء
محمدمخضورالمزيني=
اللـي بـداا لعبنـا مُلـزم = لويسلم العرض و إلاغواء
مايدري انـه بهـا يُهـزم = شايب ويمشي وراا الاهواء
محمدسعداليوبي=
بعض الرجاجيل ما يوزم = من شانه أعكِّر الأجـواء
والا أربط الجاش والمحزم = واحط داحس على الغبراء
محمدمخضورالمزيني=
لاهيج الوضع واتـأزم = احذر تجي تطلب الايواء
مير اركد وهيد يالأقـزم = لا اردها لك على شعواء
محمدسعداليوبي=
انظر تحت .. خلفك القلزم = وقدام عينك جيوش أعداء
وش عاد به أنت متحـزِّم = وأنت على راحلة عرجاء
محمدمخضورالمزيني =
نلجمك ياعوّدها المكزم = ولا اتخذنا معك اجراء
اما غرقنـاك فالقلـزم = ولا رميناك فالصحراء
محمدسعداليوبي=
يوم الرعد في السماء هيزم = وهبت علينا معه هوجـاء
مافيه والـي لهـا يخـزم = والا الحياء قل من حـواء
محمدمخضورالمزيني=
لو انك مدّرك المحـزم =ماصار فالمسأله اغراء
شوف الجماهير بالدرزم = كلٍ يبي عينها عـوراء
محمد سعداليوبي=
مادام زميـت خشـم زم = وهويت به داخل الزوراء
بأبعد عن الشر لو أُهزم = الله ولا الكلمة الجوفـاء

الاخ القديرمحمدالمزيني والاخ العزيزمحمداليوبي

صحت السنتكم وبيض الله وجيهكم ورفع قدركم

سلمتم على هذا الابداع الجميل والرائع من بدع وايضاالرد

الله يعطيكم الصحه والعافيه

تقبل تحياتي وتقديري