ديوان الشاعر مشعل سالم النويمي

ياخلي هون على الأحباب = لاتسير قاسي في احكامك
من بعد مانوضح الاسباب = احكم وراضي وقدامك

ودك عيوني جبا تفداك = مادام مالى هوى غيرك
سنين لي وانا أترجاك = طامع فودك وتقديرك

ياليت شفت البلى فالسوق = عيون ترمش فذي وهاذي
شباب فاضي ماعنده ذوق = تخطي على الناس وتآذي

ظلم الأحبة لعيني لاح = والعين من جورهم بكيَت
يمكن بهذا البكا ترتاح = تغسل بها هموم مالقيَت

ايام من عمرنا تجري = والنفس بالحيل طماعة
يارب اشرح لنا صدري = واجعلها يارب فالطاعة

من جور الايام كم ذقنا = شفنا المآسي بها الوان
يادوب من الجرح ذا فقنا= واليوم جدت علي احزان

ياليت دنيا المحبة إنعيش = كل فرد قلبه على الثاني
نبني مودة انصون العيش = لاظلم نشكي ولا نعاني

من زود حبك كتبت حروف= إحروف انوي بها اسمك
متعة عيوني لما اتشوف = في لوحتي يكتمل رسمك

مابين صمتي وبين البوح = احترت كيف اخبره بودي
بسكوتي خايف علي ايروح= ون بحت خوفي على صدي

ياجو رايق وفيك اروق = جوك يناسب لقا العشاق
مطر وغيمة ومعهاإبروق = ودي حبايب لهم مشتاق