ديوان الشاعر/ سلطان القادري القرشي(( أبــو ذيـــاب))

ناصر عليثه المحياوي=
من راح عني قسم بالله = ومشاعر الروح مكبوته
جميع حاجه بعد فرقاه = تشوفها العين ممقوته
أبو ذياب=
اِن كان في البعد هو يبغـاه = أنساه نكسل على خوته
ولو كان في داخلك مرباه = قدام تحسـب طاغوتـه
ناصر عليثه المحياوي=
مارضى فراقه ولايرضاه= لكن غصب يختفي صوته
وماله جدى غير جر الاه= اللي مرار الصبر قوته
أبو ذياب=
مجبور ياصاحبي تهواه = شرع الهواء ختم ثبوته
بين الأمل والصبر تلقاه = تفرج مع الوقت بسكوته
ويصحابنا سامحونا=

عبدالرحمن الجهني=
يصعب على ترى فرقاك = لو كان بعدك لنا طول
ياصاحبي مستحيل أنساك = فالقلب منزالك الاول
أبو ذياب=
البحر راسي على مرساك = لاكن شراعك لنا تحـول
مليت يومي وانا تحـراك = الطبع ماهـو مثـل اول

همس القوافي=
طبعه معي فالتعامل لطف = والطف منه نظرة اعيانه
زود علي المآسي ضعف = والهم كله علـى شأنـه
أبو ذياب=
أصبر تصبر ولا تنطـف = وراجع أمورك وسيسانه
أكيـد بعـد الماٌسـي خـف = والـهـم يـنـزح بأحسـانـه

ابن قويتان=
يشكي لك الحال من حاله = اشرف عليه ا لطبيب وقال
مسكين من هذي احوالـه = الطـب ماينفعـه مثقـال
وطب العرب قال ماقالـه = طبيبنا مضـرب الامثـال
قلبـي زمانـه تهيـالـه = ولآن يشكي عليك الحـال
أبو ذياب=
يامشتكـي لطبيـب عالـه = يامشتكـي الهـوى أحـوال
بعطيك نبـذه عـن أهوالـه = لجلي أنا مجـرب الأهـوال
بحر الهوى ...أغرق رجاله = لاطب ينفـع ولا (بالمـال)
والصبر لها الهـوى حبالـه = لاجلك لهم ...بالحشى منزال

عادل الرفاعي=
اللي هجرنا ثلاثه ايـام = وارسل رسايل ولا ردت
مايدري ان الجفا اجرام = تبت يدين الجفا تبـت
أبو ذياب=
أصبر على الخل مهما دام = اٍن كنت بالحب متشتـت
هذا (تغلي دلـع) وهيـام = وبعد الجفى تعود الرقـت

همس القوافي=
يا كم مضى لي من الاحزان = سنيـن قلبـي معانيـهـا
الصد والبعـد والحرمـان = لابــارك الله فطاريـهـا
أبو ذياب=
الصبر ياصاحبي بنيان = لاكنت في الحب شاريها
قرب لها الود بالاحسان = أمكن ترى يثمر وفيهـا

أبو أثير=
الأنس ماعــاد يبغانا =قلنا مقدر ويالله خير
وهموم الأيام تنصانا = وأحوالنا كلبوها غير
أبو ذياب=
وأيام حلـوه وكسبانـا = تجيك النكد والفرح يطير
هذ الحياه ... صك برهانا = لابد تقابل الذي بيصيـر

أبو ذياب=
سلام لـه الهـوى والشـور = اللي لهـم بالهـوى وقفـات
عندي قضيه ،،، مع العصفور = و(بلحنكم) تكمـل الراحـات
أبو سامي=
ترحيب يبدي سواة النور = أغلى من الين والليرات
خله على عشه المعمور = واسمع لحونه لكم بالذات
أبو ذياب=
أهليـن يالشاكـر الدكتـور = هيا أستمع ،،، باقي الحالات
أسى في قلبي (جمر) وقهور = عصفور خلى حياتي شتات!!
أبو سامي=
الادمي منهـي ومأمـور = وماابغاك تندم على مافات
وما يجبر الخاطر المكسور = إلاّ الـذي يغفـر الـزلات
أبو ذياب=
وسط الفؤاد ساكننا بقصور = ولا أشتكى من أسى مايات
والود بين وبينه سور = صار الهرب عادت الغايات
أبو سامي=
استبدله بالعيون الحـور = وتراها الاعمال بالنيـات
وحتى تجنب طريق الجور = ارفع شعار ابيض الرايات
أبو ذياب=
اللي جردته من الدستور = أتجنب الود بالخطوات
وقن النواعم يياله شهور = وأنا أبتدائي على الأصوات
أبو سامي=
اذا تجنبتم المحضور = نعدها ابرك الساعات
وماانت لدرب الخطر مجبور =وبالصبر تتحقق الهقوات

أبــو ذيـــاب =
سلام واكتـب لكـم تبيـان = من داخل القلب والأعمـاق
ابغى ادردش مع الجهنـان = اخذ وسوالف لصدري ضاق
محمـد الربيـاوي=
يامرحبا فيـك يـا شيهـان = ترحيب مثل الذهب بـراق
اتشـرف الكـل ياسلطـان = لانك حسب مـا ارى ذواق
أبــو ذيـــاب=
حسب التقاليـد والاحسـان = مشكور يالطيـب الاخـلاق
أبيك تلعـب معـي ألحـان = نأخذ ونعطي على الأوراق
محمـد الربيـاوي=
انا معك فاللحـن طربـان = ومنك انتظر بوحة الاشواق
خل الـذي فالحنابـا يبـان = من قبل ماتحكـم الاغـلاق
ابــو ذيـــاب=
هيا أستلـم باقـي القيفـان = ماغير في أسـى وخنـاق
الود شتت تـرى الفكـران = سبت صدود عذاب فـراق
محمـد الربيـاوي=
عيد النظر وأظبط الميـزان = واصبر لو ان الصبر حراق
لاتكون فالمعركة خسـران =الود دربه صعيـب وشـاق
أبــو ذيـــاب=
الي تضحلي مـن الربـان = ان الهـوى دربـه عـواق
والود ملزم تـرى سيسـان = عشان يظبط معـي ميثـاق

الـــــرحـــــال =
جانا عتب ود يابو ذيـاب = كدر على خاطرى واشقـاه
بحثت عن مكمن الأسبـاب = ازريت سر السبب للقـاه
ابــــو ذيـــــاب =
فيك البقى والقلوب أحباب = من داخـل القلـب اٍلقـاه
أسباب مرت علي أعصاب = تشتت العقل فـي خطـاه
الـــــرحـــــال =
آنا اعرف ان القلوب طياب = كان انتها والعتاب انسـاه
الطيب ما يصك دونه باب = والعذر يشفع لمـن يلقـاه
ابــــو ذيـــــاب =
ياجامع الطيب والاطيـاب = اكيد بعد العتـاب صفـاه
وعن ملزم الشك والاتعاب = اطلب وامر تـرى تفـداه
الرحـــــــــال=
لك السعد نطلبه يا حضاب = وهذ الذى للعزيـز ابغـاه
وما غيرهذ لنـا مطـلاب = من رب واجب علينا رضاه
ابـــــو ذيــــــــاب=
وعسى تشوف الهناء منصاب = دام المحبـه لكـم مـبـداه
وختم كلامي لكم يصحـاب = في القلـب تقديركـم قلنـاه
ويصحابنا سامحونا=