ادخل اوكتب موقف او شيء مضحك صار لك اليوم او صار الى احد ثاني

	المشاركة الأصلية كتبت بواسطة فيصل حمود الوافي

	يعطيج العافيه صار لنا موقف بين الحسو والحناكيه طالعين صيد ونزلنا دون الحسو حطينا فرشتنا وشبينا النار وبعد مانتهينا قمنا خلينا بعض السيارات عند الفرشه وطلعنا بالنيسان وهات ياصيد في الضبان وكل ماصدنا ثلاثه اربعه وديناها عند السيارات وحطيناها بالحوض حق النيسان الثاني وطلعنا مرى ثانيه نصيد ضبان صدنا كم واحد يوم رحنا نحطها مه خوياهم في النسيان مالقينا الاوله ياولد دور ابحث غير بدل مافي فايده حطينا الثانيه محلها ورحنا نقنص ثالث مرى ويوم جينا مالقينا الضبان الثانيه قلنا نحط واحج بالسياره يراقب من ياخذها ورحنا من جديد وخوينا في السياره يراقب تدرين من كان يسرق الضبان ماتصدقين كان يسرق الضبان 1 2 3 4 5 6 7 8 9 أســــــــــــــــــــــــــــــد ياويلنا ياويلنا اسدأ في ديارنا المهم بلغنا الحكومه وصل الاسعاف والدفاع المدني وثلثمائة دوريه وخمسين دورية مرور وثلاثين جمس من امن الطرق وثلاثين ونيت بلديه وعشره هلكبتر ووصلنا خبر انهم بلغو دول الخليج عن الاسد وسلامتكم

ياكبرها من غبينا


الله عليك يافيصل حمود

ايه انا خابر عوض الله عواض الحربي دون البديع

كان يحرس حلاله اسود

ههههههههههههههههههههههه

فكره رااااائعه

يعطيكم العافيه

وان شاءالله نستمتع بمواقف مضحكه ورائعه

وللي عوده بعون الله

ودمتم بخير