سلام مني لكم خطيت

أبو عبدالرحمن=
سلام مني لكـم خطيـت = يوصل ولا يخطي العنوان
انا الذي دربكـم دليـت = واللي شراكم ترا كسبان
أبو ذياب=
يامرحبـا ياهـلا حييـت = من أول القـاف ياشيهـان
شرفت يامن ... لكم أوفيت = للمنتدى ومطربين الـدان
أبو عبدالرحمن=
ازريت مثلك ألآقي ازريت = بين الخلايق وبين الجـان
دامك على الطيب اتربيت = وافي ولا فيك اي نقصان
أبو ذياب =
وافي وعـزك وانـا حبيـت = أخلاص طيبك مع الاحسان
ودرب الهوى ... يمكم لاقيت = يطرب بسعد السمع سلطـان
أبو عبدالرحمن=
دامك رفيقي ولي جاريت = باوزنلك الحال بالميزان
الهم زايد وانـا مليـت = والحال عليه شهود عيان
أبو ذياب =
أنا معـك ويـن ماتمنيـت = يامن لكـم بفـؤادي شـان
والهم ان كان به عانيت = نبغى ادله مـع البرهـان
ابو عبدالرحمن=
مخـاوي الذيـب مازليـت = واليوم اشوفه غـدا خـوان
اصبح يرافق مـن عاديـت = والسوس اظنه لعب في الزان
أبو ذياب=
درب الخوي أستمـع لاوحيـت = فيـه الأسـى والجـدال نيشـان
وانصحك جلست ... عتب بالبيت = وان صـد جازيـه بالحـقـران
ابو عبدالرحمن=
شربت سمه لين رويت = لاسم حيـه ولا ثعبـان
دامه نساني فانا استغنيت = بصبر النفس بالسلـوان
أبو ذياب=
بعْد اطلاعي علي وقريت = في خطكم صار يالذيبان
بيـع المقفّيـن ... بيـع الكيت = واطْوي الهوى .,،، واطْوي الكتبان
ويصحابنا سامحونا=