سلام تسليمت وفاء يالبدارين

سلام تسليمت وفاء يالبدارين = تسليمت المسلم على المسلميني
احلا من الحالي حلا يالكريمين= ومغلفاً با لورد والياسميني
جينا لكم من وادي الحمض عانين=من فوق جمساً يعجب الناظريني
لولا غلاكم يالرجال العزيزين =ماجيت عاني جعلكم سالميني
ياربعنا يامرجحين الموازين =لاثار عج الخيل بين القطيني
ان قيل ياهل الخيل منتم ذليلين =حماية التالي ذرى الخايفيني
حلوين في حاله وفي حال مرين= ياما غزيتم فوق خيل وهجيني
ماتاخذون الطارفه يالشجيعين=هرجٍ عليه من العداء شاهديني
ماتاخذون الا حلال اللمسمين =قومٍ مافيهم بالملاقاء دويني
وقت الضحى لاشافت العين للعين=الكسب منهم مقرعات الحنيني
حمراً ماتعطيها صديق وقريبن =ياما انذبح سبارهن كل حيني
وبالضيف والجيران دايم وفيين=وخويكم كنه حدى الوالديني
الطيب فيكم من قديمن وها لحين =ماهو وليد اليوم يالطيبيني
هذا الصحيح اللي عليه المضامين =غصباً على العدوان والحاسديني
ماقلت غير الصدق ماهي تخامين=الصدق بين والفاعيل تبيني
واعود للي جيت له يالفهيمين=مبروك يافيصل طويل اليميني
مبروك ماسويت يامكمل الدين =ياجامعاً مابين دنيا وديني
عساك من ضمن العباد السعيدين=ماتشتكي من جور غبر السنيني
ابوك للجزلات رمز وعناوين =صالح عسى ذريته صالحيني
معزب الخطار ريف المساكين=مدهال للقصين والا قربيني
من خوف لاتفسر على يسار ويمين=ويلقى بها مدخال لشامتيني
اقسم لكم بالي خلقنا من الطين=مالي ورى ماقلت يالسامعيني
غير الوفاء وشاهدة ناس وافين=شرواء رجا لٍ قدمنا جالسيني
تمت بعون اللي له الناس راجين=مفضل المسلم على الكافريني

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك ياسعد

قصيدة جزله من رجال جزل


ويستاهلون البدراين المدح

بيض الله وجهك ياسعد قصيدة من شيخات القصيد
والبدارين يستاهلون المدح وانت تقدر لاهنت :

الحب الباقي حمود الغيداني نافع الحربي مرور منهم افضل مني يبقى وسام على صدري الله يبيض وجيهكم ياعيال العم

قصيدة جزلة و يستاهلون البدارين

و صح لسانك يالمحمدي

أخي الشاعر القدير سعد المحمدي
صح لسانك وبيض الله وجهك وماعليك زود يا الغالي
وبإذن الله راح تطالع الرد عليها قريب .
تقبل تحيااااااااتي
أبووليد ،،

لاخ حميدان العوفي
الله يبيض وجهك راعي وفاء من رجال اوفياء

الاخ ابو وليد البدراني
انتم رجال تستاهلون كل علم غانم

صح اللسانك ياسعد وماهي غريبة عليك ياراع الوفاء

ويستاهلون البدارين وانعم بربعنا مليون

وبيض الله وجهك