ديوان الشاعر(بخيتان البشري)

بخيـتـان الـبـشـري =
سلام والطيـب منهاجـه=ساسه وفا مكتمـل مبنـاه
مكلوف متعوب فخراجـه=يامن بكم يرتقـي معنـاه
سـالــم الـبـشـري =
ترحيب مايختلف عاجـه=بصوت الوفا خاطري غنّاه
بارقى معك عالي ابراجـه=ولابد ناصل سوى لاعـلاه
بخيـتـان الـبـشـري =
يامنبع القيـل وسراجـه=لك البقا بالصفـا سقنـاه
هيا اسمع افكار وهاجـه=وخيال واسع عجزت احواه
سـالــم الـبـشـري =
هيا ابدعه واحكم سياجـه=وانا معك بسمعك واقـراه
والحرف لازان مخراجـه=يم الهدف ماخطى مرمـاه
بخيـتـان الـبـشـري =
حاير مع الوضع وعلاجه=والوقت عيّا يجيـب دواه
من يوم ما قّفـل ادراجـه=والحظ في وسطها خبـاه
سـالــم الـبـشـري =
مهما الأمر زاد فاحراجـه=لاتشتكي من عـذاب الآه
والمرء مادام لـه حاجـه=يسعى لهـا والمعيـن الله
بخيـتـان الـبـشـري=
صبري تظلم من إزعاجـه=ولو ينفذ الصبر كيف القاه
اللي رجا شـي يحتاجـه=يعقد على خالقه رجـواه
سـالــم الـبـشـري =
الأمـر يحتـاج لمواجـه=وعلاج باسلوب ومـداراه
حتـى يعـوّد لمدراجـه=وتاصل هدفك الذي تبغـاه
بخيـتـان الـبـشـري =
أقرب من العين لحجاجـه=والعسر لجله سهل مرقاه
لو نسمع لنـاس هراجـه=يمكن من سنين فارقنـاه
سـالــم الـبـشـري =
استغنم الوقـت وابهاجـه=حتى دواكـم يوافـق داه
والعسر عند الله افراجـه=ومن يفعل الخيربه يجزاه
ولو يكثر الهرج وافواجه=مايغرشرواك لـو ناصـاه
يابادع القيـل لـك تاجـه=مُهدى من اهله ومن يهواه