ديوان الشاكر قسم الكسرات

الظافر=
ياالشاكر اوحي رفيقك ون = من شوق حنّاله اضلوعه
كل ما سلا عنه عاد وحن = كل السبُل عنه ممنوعـه
الشاكر أبو سامي=
اشرح لنا الامر لو أمكـن = من مبتدأ الامر لطلوعـه
حتى تصير الظروف أحسن = ان كان الاسباب مشروعه
الظافر=
لي خلف قضبان من معدن = جاهل قضى اثنين من نوعه
وأشوف عندي عيون أبكن = عيني ولا جفـت أدموعـه
الشاكر أبو سامي =
حاول معه في طريق أهـون = وفي من تثق عطه موضوعه
وان كان ماانصفك لاتحـزن = اذا بـذل كـل موسـوعـه
الظافر =
ارجال مثل الذهب وأثمن = شرواك يسعون لرجوعه
وأطمأن أقلوب ما تطمن = والقلب زادت به اوجوعه
الشاكر أبو سامي =
المشكلة ساسها مزمـن = ونابع وتابع لمجموعـه
لاتجعله معه يستوطـن = ماطاوعك سير في طوعه