ديوان الشاعر قابل البشري

سلام حاضرويد بيد=في مجلس الطيب وثقته
مني على الحاضرين يمد=ياما احسن الشي في وقته
مسعودالمعبدي=
ترحيب ماله عدد ويعد=احلى من الشهدلوذقته
ياللي فرسم المثل تنعد=ولقيلك القلب شوقته
قابل البشري=
عسى البقا ياجزيل المد=قولك بالافعال حققته
وبعد التحيات امابعد=اسمع نغم جد وارفقته
مسعود المعبدي=
ياللي فرسم المعاني عد=وقولك من الطيب عبقته
هياتفضل وعندي رد=للي رسمته ونسقته
قابل البشري=
اسقيت الاشواك لاجل الورد=ومن صافي النبع غرقته
لكن قلبي رهين الوعد=مرهق وانا زدت وارهقته
مسعود المعبدي=
يستاهل الورد ذاك الجهد=اللي من المبتدا سقته
لكن عن الري لاتبعد=ويضيع جهدن تكبدته
قابل البشري=
اللي ظهر فالامور وجد=مع واقع الحال طابقته
وخوفي انا من بنود العقد=اللي من القلب صادقته
مسعود المعبدي=
لوالعنا زاد فوق الحد=الورد تكفي مرافقته
لوكان بالحمل ضدك ضد=تنسى المآسي لاعانقته

في استراحة الشيخ صالح بن شلاح الهنيدسي واخوانه الكرام 0في عين شمس نجتمع عادة
وفي ليلة جاء ابومحسن متأخرا 00وعند حضوره طالب الاخوة يالجديد مني ومنه 00
فكانت هذه المحاورة 00

قابل البشري=
يامرحبا بك بعد ماجيت =الليل واللي معك هاته
والانس ياحاسب التوقيت=اسرع من البرق ساعاته
مسعودالمعبدي=
تدوم ياصاحبي حييت=ياغاية القلب ومناته
حضرت من شانكم مابطيت=والانس جينا فحرواته
قابل البشري=
ياراعي الطيبه وفيت =ومن يطلب الانس مافاته
نبغى المعاني لها تثبيت=ومقيده في ملفاته
مسعود المعبدي=
يامن لكم فالمعاني صيت=والانس انتم من عضاته
مصغي لك السمع لاعديت=ولكل مبدا اجاباته
قابل البشري=
انا فرسم المثل جديت=وصورت الافكار فابياته
لكن باقي لقيلي بيت=لابد مااجمّع اشتاته
مسعود المعبدي=
لاسرت فالدرب واستقديت=وسعيت للامر فأوقاته
لابدماتجمع التشتيت=اللي خرج عن مساراته
قابل البشري=
انا تبصرت واستهديت=واكملت اعلى دراساته
اعلنت منها ومنها اخفيت=كلن وحسب اعتباراته
مسعود المعبدي=
انا فمسعاك ماشكيت=وكسب الفتى باجتهاداته
واللي منه بالحسس حسيت=لابدتحسب حساباته
=====================

00000000000000000000

	المشاركة الأصلية كتبت بواسطة قابل البشري

	لاتزيد غلبي عليّه غلب= وانته تعرف الذي بيّه ماكنك الا انت عندك قلب= وآنا الذي قلب ما ليّه

-
-
-
-
-
-
-
-
-

قابل=
طالت علينا مسافتنـا=والقلب تاهت به دروبه
لاقلت سهلت مهمتنـا=تزداد تعقيد وصعوبـة
حرب=
حتى انتوصـل لغايتنـا=ويحقق القلب مطلوبـه
مانجعل الياس قدوتنـا=ومثلك سياسي له سلوبه
قابل=
على أمل كل حسبتنـا=نمشي والاقدام مغصوبة
كلما بذلنا الجهد جتنـا=نتايـج السيرمقلوبـه
حرب=
حنا بشر وش بصيرتنـا=مادام الاقـدار مكتوبـه
لاكن ماتوقف مسيرتنـا=بس الخُطا تكون محسوبه