من روائع الشاعر قميش القريقري(رحمه الله)0""""""

الود مشيه يجـي بوصـول=يمشي علـى فنـه الرايـق
وانته مودتـك فيهـا خلـول=ودك معايـه مهـو لايــق
اوقات تمشي معي بسهـول=واوقات تمشي معي ضايـق
قايست الافكـار والمعقـول=وانك على سدي موايق
لك قصر وسط الحشا من لول=فالعمق يشبه جبـل طـارق

سلمت يا ابو احمد و بيض الله وجهك على هذا النقل

و ما نستغرب الوفاء من أهله

و اللي عندنا للراحل ابو زكريا بنرسله لكم

بالتوفيق ان شاء الله في هذا اتمام هذا العمل الجماعي

القدير خالد اللهيبي

لك كل الشكر والتقدير على هذا المجهود الرائع والبادرة الغير مستغربة من شخصك الكريم


بيض الله وجهك

	المشاركة الأصلية كتبت بواسطة عبدالعزيز الزويهري

	سلمت يا ابو احمد و بيض الله وجهك على هذا النقل و ما نستغرب الوفاء من أهله و اللي عندنا للراحل ابو زكريا بنرسله لكم بالتوفيق ان شاء الله في هذا اتمام هذا العمل الجماعي

الاستاذ عبد العزيز الزويهري

شكرااا 000لك ولاغنى عنك 00

اشكرك مره اخري وتقيل تحياتي

الاستاذ خالد اللهيبي

اشكرك جزيل الشكر على هذا العمل الرائع والذي ان دل فانما يدل على سمو اخلاقك وطيب اصلك

وسوف اسعى جاهدا فالعمل معكم لاظهار هذا المتصفح في حله مميزه ولايقه بفقيدنا العم قميش

يرحمه الله تعالى

سلام يا صحابنا هيـدو = والا عليكم نشن هجـوم
بالواكس وأسراب ترنيدو = حتى الشبح والفضا ملغوم

بدع ورد من اجمل ماسمعت بين ابو زكريا رحمه الله وشاعر اخر لم اتحصل على اسمه

الــكــســـرة =
ياقميش اشكي عليك الحال = وابغى الافاده فيما يجـري
دمعي على وجنتي همـال = مقهور والنـاس ماتـدري
الاه صارت معـي مـوال = ما غيرها فالحشـا يطـري
اثر الهوى يا عرب قتـال = من طبعه المـد والجـزري
انا الذي ذقت فيه اهـوال = وسيوف وسهام في صدري
صابر وصبري اشوفه طال = صبرت حتى نفد صبـري
الرد من قميش القريقري =
كب الهوى عنك يارجـال = والكسر موعود بالجبـري
ما فالهوى من رؤوس اموال = غير الخسارات والفقـري
والمرء يُسال عن الاعمـال = لاحط فـي لجـة القبـري
اغنم شبابك عساك تنـال = نهارة الجمـع والحشـري
جنة عريضة وراحـة بـال = والحور في جوها المغـري
نصيحتي للعمـوم تقـال = من واسع البال والفكـري

[center]في قرية خيف الرواجح 00وفي مناسبة دعينا لها من الشريف سعيدبن منصور
الراجحي 00وبحضور عدد من الاخوة الشعراء منهم الشريف مشعل الراجحي
ومسعود المعبدي ومشهور الخزاعي واحمد العمودي وماجد ابومديدة 00وغيرهم 00كان اول لقاء مع الشاعر الكبير قميش القريقري رحمه الله00
وكانت اول محاورة معه000[/center]

قابل البشري=
سلام والجـو دوبـه راق=والأنس دوب ابتدى ليله
نبغى المثل يصعد الآفـاق=ونجني معاكم محاصيله
قميش القريقري=
ترحيب مثل الحيا لانساق=وبله نزل وانحدر سيلـه
وانا لشرح المثـل تـوّاق=عجل عليّـه بتفصيلـه
قابل البشري=
اللي يعاني من الأشـواق=ولحن الأسى في مواويله
له حق فالوصل واستحقاق=إن كان يوفون له كيلـه
قميش القريقري=
زادي صبر مر ماينطـاق=من ظلمه القلب ياويلـه
سهران واخايـل البـراق=اللي ماهلـت هماليلـه
قابل البشري=
مانته معي بالقدم والساق=عن دربي أعطيت تحويله
واناانتظر منك ياعمـلاق=الميل تسعـى لتعديلـه
قميش القريقري=
يقوله اللي معـك مابـاق=الحرف يعرف تشاكيلـه
مادام موج البحر صفـاق=داري مساعيك وامشي له
قابل البشري=
لاني مقصر ولاني عـاق=موفيه حقـه وتكميلـه
أساهر النجـم للمشـراق=من حال تخفى دواليلـه
قميش القريقري=
مادام ماسك معك ميثـاق=اصبر وحمل الصبر شيله
حتى توصل على المطراق=وخطّه اللي يـودي لـه

قبل أكثر من عام وفي حفل زفاف وديع البشري 00
كان لي مع فقيد الادب والكسرة قميش القريقري رحمه الله00وفي لعبة
الزير 00هذه المحاورة الشيقة 00والمعنى

ابوزكريا=
سلام لين المسا يمسي =وسلام لين الصباح يبان
قابل=
يامرحبا مد بالخمسي =ترحيب باقي مع الازمان
ابوزكريا=
عسى البقا والعمل مكسي=بالورد والطيب والريحان
قابل=
وافي وراع الوفا يرسي=والخط مابان له عنوان
ابوزكريا=
قلبي من الماس ملتمسي=والبحر سده بحر طوفان
قابل =
لاترمي القلب فالطمسي=وخلك على الشط ياقبطان
ابوزكريا=
مغروس فينا الوفا غرسي=ونمشي على شوكة الميزان
قابل=
اللي قرا آية الكرسي =ربي يزيده من الايمان

((( موضوع سبق نشرة في حياة الفقيد رحمه الله )))


أحبائي الكرام كان لي
الشرف الليلة بأن أواجه وأقابل الشاعر العلم
(قميش القريقري ) حفظه الله ومتعه بالصحة والعافية
وهو رمز من رموز
الكسرة غني عن التعريف
في استراحة الشاعر صلاح المطرفي بالجعرانه وجرى بيني وبينه لحن
سريع جميل أحببت أن أتحفكم به
أرجو أن يحوز على استحسانكم
وكان من بدأ اللحن أنا ( فواز بن محسن الزويهري)
البدع ( فواز بن محسن الزويهري )

ياليت ياصحابنا توفون=وأشكي عليكم بمكنوني
الخوف ياصحابنا تبكون =ويضيع الحزن مضموني

الرد : العلم ( قميش القريقري)

امشي لهم زي مايمشون=لاتسير في اهموم واغبوني
وإن كان في حبهم مفتون=داري معانيك بالهوني

الرد:( فواز بن محسن الزويهري)

القلب من ريمهم مطعون=وون والناس يوحوني
داريت داريت حتى النون=من نونهم منسكب نوني

الرد : العلم ( قميش القريقري)

اللي بلمح النظر مسجون=ويقاسي اهموم واشجوني
فالريم سم الأسى مدفون=ويخلي الزول مجنوني

والسلام ختام

ولكم خاااااااااالص التقدير

[/quote]