خـــــــاف الداب.....

نبض الوجود=
ياحافي الرجل خاف الداب=يلدغ رجولك على غـره
لاتعَيّبْ الناس بالأسبـاب=وتنسى عيوبك من النظره
محمدسعد=
من عاتَبه راعي المخلاب =اللي تعرف العرب سـره
يمكن وطى داب ماله ناب =لقيه يمشي على الجـرة
نبض الوجود=
مخلابنا بالحناجـر صـاب=والسـر ماهمنـا امــره
واثق خُطى ماحسبت حساب=للي يهفهف علـى جمـره
محمدسعد=
ما أضن تلعب مع الأغراب=بنتٍ على وسقت الحـرة
ألا إذا فُتحـت الأبــواب=وضيعت سرهـا الحـره
نبض الوجود=
البنت بالشعر ماتنعاب=انثى ولاكنهـا (مُـره)
منهو عليها دخل حرّاب=اليوم بيده فتـح قبـره
محمدسعد=
الله لايعيـد رمـح ذيـاب=اللي إعترض لك على قره
أشفى على ضربة المغراب=وخلاك تشكين من حـره
نبض الوجود=
مالوم شايب من الشيّـاب=لويقلـب المعرفـة نكـره
بالهرج ينصب لنا محناب=شوف الخرف صابه وهذره
محمدسعد=
أهل اليمن أرسلوا خطَّاب=مزيون في جبهته غُـرة
غراب ما يشيب دايم شاب=رافع لك الصوت ويجـره
نبض الوجود=
غراب ينعق على ماجـاب=ماهو كما الصقر ياحسـره
والروس ماهي كما الاذناب=ان كان ماعندكـم فكـره