ديوان الشاعر(بخيتان البشري)

اللي على الطيبة يمشي=يلقى بها الطيب عد ومد
طرفي مغطيه لك رمشي=إصحى علومك تزل الحد

كل ما عقدت الأمل فالجاي=القى الذي راح عنه اهون
ارجع بدوَر قديـم لقـاي=القى قريبه سنيـن اقفـن

عارف المطرفي=
مسكين يأمـن حـداه الؤقـت=وامساء مثل حالتي سقمان
صعبت ظروفه ولاله بخـت=وعند العرب ماقبله شاااان
بخيتان البشري=
أحدن بحظه حياتـه مقـت=ولله في ذا الخلايـق شـان
واحدن طريقي شراء له يخت=من بعد ماعاش في حرمـان

بخيتان البشري=
الثوب لو يلبس مقلـوب=باين للأعيان لا شافـوه
المشكلة من بوسط الثوب=صعبة للأعيان لا عرفوه
ماهر ابو خالد=
قارنت في نصكم ما ينوب=عن علت العين لو غطـوه
العطب يمشي مع المعطوب=وش يلحقك منه ما عـدوه
بخيتان البشري=
ياللي معي كمَـل المكتـوب=واجب له النصح لو قالـوه
معطوب والعطب له محجوب=ماهمنـي فيـه لـو كبـوه

مجدي أبو ناب=
يـانـاس لـيـه الـوفـا أقـفـى=وأصبح زمن وانتهى عهده
صـار النفـاق الـذي يطغـى=علـى جميـع البشـر وحــده
بخيتان البشري=
ياراعي العرف ما يخفى=صادق فما قلت و تعده
أول له رجال به ترقـى=ولا زال بين العرب مده

بنصحك يالسامع الناقل=إنك تبيّن لمـا تسمـع
لاتصير في خانة الجاهل=بلسان لسئيـة يجمـع

تعال شوف الـذي بيـه=تعال شوف الذي سويـت
كني بك أوراق مطويـه=حتى جلوسي عليه ازريت

شبيت على الوفاء والطيب=وشبت فبعض البشر غيرة
ولأجلي على ماقفي ماغيب=جيوشهم جتنـي مغيـرة

محمد سعد اليوبي (لافي )=
بكرة ضحى ناوي المسيار=بشد عـن داركـم بشـد
لا علني لا تركت الـدار=ألقى بعد مـا أعـود ود
بخيتان البشري =
صل إستخارة قبل تختـار=إن كان تبغى النصيحة جد
حتى ليّا طوّل المشـوار=ترجع بها ماتلاقي صـد

بخـيـتـان الـبـشـري =
إيش الذي فالخيـال يـدور=إيش الذي داخل الأحساس
يامن لكـم فالمعانـي دور=ليه التفاكيـر والهوجـاس
ولـيــف الــشــوق =
دنيا البنادم حزن وسـرور=وما حي سالم من الأوناس
لاتلوم فكري غدى مأسـور=مسجون قلبي بلا حـراس
بخـيـتـان الـبـشـري =
يجلى الدُجى لاغشاه النـور=الكل بالله ونـاس بنـاس
ومثلك بفكره يغوص بحور=والقلب لا يحتويه اليـأس
ولـيــف الــشــوق =
حظي معي دايمـا معثـور=وزاد البخت فوقها بنحاس
ولو فادني من أحد في شور=ماكان حالي بقى محتـاس
بخـيـتـان الـبـشـري =
كثير حظه معـه مغمـور=يوم البخت لسعادة حـاس
لاشور ينفـع ولا دكتـور=نصيب مكتوب فالقرطـاس