يا حالنا ذا الزمن يرثى ...!!!!!!!!

السلام عليكم ورحمه الله وبركاته
بغيت اكتب كسره ...ومسكت خـــــــــــط
اليكم مع التحيه والتقدير
ـ
ـ
ـ
ـ
ـ
ـ
ـ
ـ
ـ
ـ

عاهدتهم بالوفا نبقى=لو صار في وقتنا ما صار
وقامت ظروف العمر تقسى=لا شفتهم لا سمعت اخبار
يا حالنا ذا الزمن يرثى=ما تعرف اللي وفي هودار
تزرع له الخير ثم تنسى=وتالي حصاده جفا بالنار
في مجمل الوقت لو تحصى=همومنا بالصدور إكثار
ما فادنا الدمع ماتشفى=بل زادنا بالشقى تذكار
نضحك مع الناس مانجفى=نوفي مع الكل واللي زار
وعن فرضنا كيف له نغفى=ورب السما عالم وستار
وبعض البشر صابته رجفى=ما يحتمل لوعة الغدار
تايه مع الجرح مايصحى=يكتب اسى قصته باشعار
والبعض صاحي بقلب اعمى=عايش على لذته واسهار
وما همه الروح مايشقى=مايفتكر لوتقول حمار
ذا جيلهم ياعرب بلوى=اللي لبس ربطته بسوار
واللي حياته على غنوى=بين المخاليق لف ودار
يالله انا طالبك تعفى=لذنوبنا دامك الغفار
انت الذي لحالنا ادرى=وانت الذي حاكم الاقدار
وختام قولي عدد شلوى=وعداد ماتنزل الامطار
وعداد من فالحرم صلى=صلي على سيد الابرار

اخووكم / فهد الصبحي