رسالة الى اخ عزيز

هذه القصيدة كتبتها في ناس يعزون عليه وهم معروفين وفي نظري انهم يستحقون اكثر مما ذكرت وارسلتها لهم
وحبيت طرحها في ملتقانا

ياكاتب اكتب كتاب زاد عن كل المكاتيب= زين معانيه لجله للرجال الصارفية
واكتب سلام(ن) مصفا مثل نفح المسك والطيب= خله سواة العسل وايضا حلاه اكثر شوية
وانصا به اصحابنا اللي كاملين(ن) فالمواجيب= اصحابنا اهل الشجاعة والمواقيف العلية
واقول لايمن ترى مهما كتبنا فيك يالذيب= مااظن ياطيب الافعال نلحق لك جزية
ماكل منه تنصب يحتمي زين المناصيب= وانتم حميتم مناصبكم وحربتكم قوية
وابوك جود خوالك يوم فكر فالمعازيب= الله عساه البقا عقب لنا قايد سرية
يافرحة اللي زبنكم يوم جا قطع العراقيب= تساعدونه على وضح النقا ياهل الحمية
والضيف من يوم يوصل تكرمونه بالتراحيب= ويلقى الشحم والدلال العامرة بالشاذلية
واللي وطاه الزمان وعضته بعض المخاليب= ينصى شيوخ الغوانم ثم يلقا القابلية
ربع لياجاهم الطلاب قاموا بالمطاليب= مافكرو فالخساره والتعب روحه وجيه
واخص ابو مشعل اللي لا رما يرمي بتصويب= له فزعة تنصف المظلوم والخطوة جرية
يستاهل المدح من حاشه بلاشك(ن) ولاريب= ماقلتها راجي(ن) منهم كثير ولا بليه
ياغير وفقة رجال(ن) مع بعضها فالاصاعيب= اليا طلبناه جا ولياطلبنا له سوية
والطيب ماهو غريب ليا حصل من معدن الطيب= انتم ذهب والذهب عندالعرب عملة نقية
والغانمي والعبيدي من قديم الوقت اقاريب= ماهو من اليوم سابق من عصور الجاهلية
واليوم حنا في عهد الخير مانلقا متاعيب= الله يعز الملوك اللي يعزون الرعية
نمشي على نهج اهلنا في طريق الطيب ونصيب = نمشي سوا فاللاوازم بالمشاريب العذية
واسلم وسلم على ابو ايمن وخذ ربعه بترتيب= وبلغ سلامي على طه عمر راع الوفية
ويضفي سلامي على كل الاقارب والاجانيب= اللي يحضرون فالمجلس لهم حق عليه
واختم كلامي بذكر الله عليم الجهر والغيب= الي خلقنا وحنا نرتجي منه العطية

مع تحية اخوكم/ حسين بن مريع العبيدي الحربي

الله الله ياحسين
صح لسانك مليون
وبيض الله وجهك يالذيب

والضيف من يوم يوصل تكرمونـه بالتراحيـب=ويلقـى الشحـم والـدلال العامـرة بالشاذليـة

ابداااع يالنشمي
اسجل اعجابي
لك خالص الود والتقدير

اخوك/علي العبيدي .!!

العبيدي شكرا لك على اللمرور لك تحياتي

صح لسانك وبيض الله وجهك ياحسين بن مريع العبيدي
ويستاهلون لاهنت يابن العم سلمت ودمت لاعدمناك

اخي العزيز بخيتان البشرى
وجهك ابيض وما عليك زود ولك تحياتي

صح لساانك
ويعطيك االعاافيه ولاهنت
تحيااااتي

صح بدنك ومشكور على المرور حفظك الله

صح السانك وبيض الله وجهك

وصحيح يستاهل المدح من يحوش الطيب

لاهنت الله يعطيك العافيه

الاخ جريح الفرقا شكرا على المرور وجهك ابيض اخوى وصح بدنك وتقبل تحياتي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك