ديوان الشاعر(بخيتان البشري)

ياكيف هذا الأمر يعقل = بعد غرست الموّدة فيك
القى جفا كل ما يحقل = اللي زرعته سنيني ذيك

علي عيد =
يامهندس الحرف والمعنى = يامتقن القيل من مبداه
افيدنا وفق مرجعنا = مشروع مايختلف مبناه
بخيتان =
جزل المثل دوم يجمعنا = ونرقا بحرفه سوى لاعلاه
جوابنا بعد تقنعنا = عن ماحوى علمكم نبداه
علي عيد =
لاشك هذي مطامعنا =بشرواك لامد لي يمناه
ما اظن يرضيك واقعنا = اللي لنا سبب الماساه
بخيتان =
كيف اتحدد مواقعنا =وكلٍ اخذ فالبلد مجهاه
لو المهمات وزعنا =ايش الذي فالامر تهقاه
علي عيد =
لابد نبعث طلايعنا = حتى نصل بالهدف مرماه
نأمل من الكل يسمعنا = والمدعي نستمع دعواه
بخيتان =
مهما العوائق تمانعنا = بالجد اعلى الجبل نرقاه
واليا اتفقنا و وقعنا =معهم 0 على شي سويناه
نقول ذا امر شجعنا = لمواصل السير لا منهاه
في درب ينهي مواجعنا =والجرح لاهان هان دواه

إبداع حرف =
من فيه يشفق على المجروح=الـلـي الـسـهـر اتـلـفـه وانـهــاه
يبغـى يفضفـض ويبغـى يبـوح=منـهـو الــذي يستـمـع شـكــواه
بخيتان البشري=
الـلــي يـعـانـي كـثـيـر جـــروح=وعن حالته ما اختلـف ويـاه
جاء يسمعِه من أنين الروح=ويسمـع لشكـواه فيمـا اطــراه
إبداع حرف =
اصبحت مثل الحمـام آنـوح=لجـل الــذي صابـنـي مـقـواه
وقلبي عليه الهموم صروح=تــزايــدت مــــن بــعــد فــرقــاه
بخيتان البشري=
لاباس وادعي عساه يروح = وماحل بي من آسى مالاه
فرقا ومنك اسمع المشروح = ويلاه من همها ما اقساه
إبداع حرف =
بالامس كان الوصل مفسوح = ودايم معـه كنـت فـي ممشـاه
والـيـوم مـاهـو لـنــا مـسـمـوح = حبـل الوصـل انقـطـع مـجـراه
حـاولـت نـرجـع بــلا مصـلـوح = وعـجــزت انــــي انــــا انــســاه
مسكيـن قلـبـي غــدا مـطـروح = مـن بعـد مقفـى الـذي نـهـواه
بخيتان البشري=
منك المعاني بكل وضوح = فيها لنا بانت المأساه
دام المفارق ثبت ممنوح = ولاعاد باقي امل ترجاه
اقنع وشي إنكتب فاللوح = قبل العمر ياصل المنهاه
عينك تشوفه 0 وانا مذبوح = بفراقه اللي وصل مثواه

وليف الطير=
ياللي بذاك الغياب ابطيت= اصبحت هامش معي بالذات
ان جيت ولا بعد اقفيت= آدم خسر جنته ما مات
بخيتان البشري=
ليتك لذاك الغياب اعطيت = فرصة قبل تنهي الجولات
قبل العذر فالقرار اخطيت = لا جاك حجة غيابه جات
وليف الطير=
النفس طابت وانا مليت= من ود سبب لنا ازمات
والا الحقيقه ورب البيت= انه فقلبي مع الدقات
بخيتان البشري=
ودي جبال الامل عديت = ومثلك معه تسهل الصعبات
ارفق وروّق بعد حبيت = واحرص على باقي الاوقات
وليف الطير=
مـع الامـل شوفنـي ازريــت=الـلــيــل كــلـــه وانـــــا مـــابـــات
ابـغــى دوى عـنـدكـم يـالـيـت=انسى عذابه مع اللي فات
بخيتان البشري=
كل ما اصرف علاج لك عييت = حتى معك ساءت الحالات
وآخر دوى عنك ماعزيت = اخذ الرجا باقي الحسبات

فايز محيسن =
ســلام يالشـاعـر الـواثـق=أمـــــا الـعـلـيـمـي يـفـارقــنــا
ماني موافق ولآ موافق=لصـد والشـوق محرقـنـا
بخيتان البشري=
ترحيب والجو بك رايق = روّق و ودي ترافقنا
نرقى وفالقمة نوايق = على آسى فيك ضايقنا
فايز محيسن =
عسى البقا حرفكم لائق = طابق على قول منطقنا
نشكي ألم والسبب عايق = فالجوف رافض يروقنا
بخيتان البشري=
دامه معك قولنا طابق= في شرحها ماتطرقنا
لا بحتها لي يالعاشق = نسعى معك لو توفقنا
فايز محيسن =
الــزيـــن والـــصـــد والــبــايــق=والـــــجـــــرح والآه فـــرّقـــنــــا
والــيــوم يـاصـاحـبـي ذايــــق=علقم بكاس الهجر ذقنا
بخيتان البشري=
بعد الذي شرحكم رافق = حنا بحالك ترفقنا
لاتخلي الزين متضايق = وبحر الهوى تقول غرقنا
من كان ماهو لها طايق = نيرانه الودّ يحرِقنا
واللي مع البوق متوافق= احرق بقاياه صدقنا

حد السيف =
دكتورفالقيل ومعلم = حطو تحتها ثلاث خطوط
والساني للرد متولم = من فضل ربي مهو مربوط
بخيتان البشري=
هذي نصيحة يامتكلم = خل التواضع لكم محطوط
لاتكون للنفس متزلم = العارفة للسان يحوط
حد السيف =
مثلي يميز ومتعلم =يمشي على نهجه المشروط
لله كلاتنا نــعــلم =الكبر ماهو لنا مــزبوط
بخيتان البشري=
تسلم 0ولولا إنك معلم = وراسم 0دلالات للمخطوط
ما كان وضّح لك وعلم = حرفي 0 لخوفي من المغلوط

بخيتان البشري=
لو كان عن ربعنا غبنا = يبقى الوفا بيننا ماغاب
سلام من طيبهم طبنا = وطيب المعاني باهلها طاب
فايز المحيسن=
يامرحبا من مذاهبنا = وابك البقى مذهب الاصحاب
هذي تراها مكاسبنا = في غيبتك ابدعو الكُتاب
بخيتان البشري=
تبقى وذي من مواجبنا = بعد التراحيب والترحاب
ماعنكم حروف تحجبنا = وإسمع جديدي ومالك جاب
فايز المحيسن=
حرفك ترى حيل يعجبنا = استاذ وانا من الطلاب
أرفع لنا العاج واطربنا = ورسل جديدك مع الاسباب
بخيتان البشري=
طيب النبا بك يحببنا = كني بابو زيد وابن ذياب
فالوضع حنا تعجبّنا = عجيب ؟ واعَجَبَ ! ينال إعجاب
فايز المحيسن=
ياستاذنا يامدربنا = حنا نعرف الهدف والباب
ارجوك مرّر وقربنا = باب الهدف منحجب بحجاب
بخيتان البشري=
نيشان رميك لاتحسبنا = نجهل عن اصحابنا اللألباب
انته وانا ذاك ماتعبنا= اللي وقع بين ضرس وناب

بخيتان البشري=
ابعتبر وصل ترحيبك = وانته اعتبر لي سلامي جاك
ما اخطاك ماكان ليصيبك = ولو هو نصيبك ماكان اخطاك
وليف الطير=
رائـــع وقــــــمـــــــة فــســالـــيـــبـــك=يامروض الحرف في ممشاك
والــلــي انـكــتــب فـــــي دوالـيــبــك=لابـــــد يــومـــه يـــجـــي يــنــصــاك
بخيتان البشري=
الحرف عالي مراقيبك = والله لعذب الحون اعطاك
وحلفت بالله ما اسيبك = لجل المثل روعته واياك
وليف الطير=
أطربـتـنـي فـــي مكاتـيـبـك=وأسعدتني والسعد لقياك
امـــر وقــولــي مطـالـيـبـك=ولـيـف كـلـه تــرى يـفـداك
بخيتان البشري=
دربك يوديك ويجيبك = لاهل الوفا والوفا مبداك
تسلم وذا شي من طيبك = وبعرض قضيتي على شرواك
والآن محتاج ترتيبك = للمسألة وانتظر فتواك
فاللي خفى يزيد تعذيبك = ويحسبّ لما نواه اخفاك
وليف الطير=
دربي مشى في مشاريبك=لينه سقى بالحشا مسقاك
انـتــه وفـــا كــيــف نـوفـيـبـك=انـتـه ثـمـر طايـبـه مجـنـاك
ومـــدام وصـلــت منـاديـبـك=فالمسألـه نجتـهـد لـرضـاك
لــــلــــي مــــــــزود لــواهــيــبــك=قــلـــه تـــــرى ربــنـــا يـــبـــلاك

اقول وانته تكررها = وتحطني بين مزح وجد
خوفي في لحظة تمررها = تصبح مابيني وبينك حد

إحنا اللي فينا مكفينا = وانتم مودة تزيدونه
لكن لاشي يعفينا = نشكر لكم ماتسوونه