ديوان الشاعر(بخيتان البشري)

ابو فرح =
وش عندكم طب للمجروح=اللي على البعد مايقـوى
من يوم فارق وليف الروح=سارت حياتـه ولاتسـوى
بخيتان=
يامن سؤاله لنا مطـروح=ويبغى إجابة لِما يحـوى
ماله دواء لو كثير جروح=الا وصال الـذي يهـوى

اعمق جروح الهوى والود =ماتنخفي لو بتخفيها
فيها مودّك خصيم وند =ينبش تحسبه يداويها
تبقى تجدد معك وتجد =ومودته صعب تنهيها
لجله على القلب صار اوحد=وبفراقه الروح تنعيها

==







==








==






==

جددت بي المواجع ليه = وذكرتني قاسي ايامي
اللي بها ذاق ما يكفيه = قلبي من اوجاع والآمي

من لا عرف باب مدخاله = مايلتقي درب مخراجه
فالعمر تقصُر به حباله = وعلاجه يزيد في حراجه

هذي عوايدك ياعُمري= والطرف يحكي عن اللي شاف
للقلب مررتها كبري = وسجلت من أجمل الاهداف

بعد القدر فيه بي لمي=لمد طيبي منحته صك
وصد وجفا للاسف يمي=فتح لها باب ماينصك

ابوسالم الرحال=
سلام للبشـرى بخيتـان=اللى على الطيبه طاريـه
من ود ترجح به الأوزان=وافى يصل بالوفى راعيه
بخيتان =
ترحيب من وابل الامزان= وبله معزة رها تسقيه
اللي نعده من الاخوان = راع الوفا واجب نوّفيه
ابوسالم الرحال=
وافى ولا منك جا نقصان=وراع الوفى مانشكك فيه
ياجيد السـاس والبنيـان=صاحبك عذب المثل باغيه
بخيتان =
اللي بدع فالمثل ربان = يشهد له الكل ويزكيه
بعد المثل من جنابه بان = كيف انتقدم على باديه
ابوسالم الرحال=
يللى لكم فيـه قـن و شـان=من جارحى جرح ابغى اشكيه
كملى اعانيه و مـن ازمـان=معكر على خاطرى صافيـه
بخيتان =
الله يجيرك من الاحزان=ياللي لنا تشتكي خافيه
ارجوك عجل علي الآن = يمكن نلاقي دواء يبريه
ابوسالم الرحال=
يقبل دعاكم لنا الرحمان=ويبلغك بالذى ترجيـه
بلاى من طعنة الطعان=اللى بسهم الغدر راميه
بخيتان =
آمين 0نسأل عظيم الشان = فيها 0وبالمثل لك ندعيه
طعن الغدر شيمة الخوان=ولمواجهك شي ماينجيه
ماهمنا مصدره من كان = اسمع كلامي تمعن فيه
ماغيرها الصبر والنسيان =تعالج الجرح وتداويه

فايز المحيسن=
سلام والحرف ساق الحرف=يـم العـدود الرهـاويـه
اغرف وحنا معك نغـرف=من فيض بحـر الهجينيـه
خابرك دكتـور ماتصـرف=ألآ بوصـفـات طـبـيـه
أتعبت رجلي بكثـر اللـف=والجـرح ماطـاب بالكيـه
بخيتان=
يامرحبا بعد ما شـرف=يـم الديـار النحاويـه
الله عسى ربنا يالطـف=وجروح الاكباد حصريه
مهما بدت يالخوي تنزف=تبرى على حول حوليـه
وانته عن اسبابها اعرف=وحروفها لـك مقريـة
فايز المحيسن=
اعلم ترى صاحبك كُلف=يرسل دعاويـه ناريـه
عسا البقا مثلكم ينصف=مايحكم احكـام غيبيـه
يالين كل الدعاوي تكف=ونصدر لها احكام جذريه
مطلوب شاهد مع محلف=ولا تقبل احلول وديـه
بخيتان=
مادامت إن الامر مكلف = وجتنا دعاويك خطيه
حضر لي الخصم ومعرف= والحق مافيه ماويه
اذا ثبت حق لك نوقف = خصمك والاحكام فوريه
وبلا خصم حجتك تضعف = والعدل معروف مازيه
فايز المحيسن=
ياقاضي ياللي حكم بالعُرف=واصدر لنا احكام مرضيـه
كنّه في جوف الصدر مشرف=وينظر على خافـي النيـه
وشلـون قـدام لآ نوصـف=خافـي معانـي ومخفـيـه
اصبت كـل الـذي نهـدف=ولاخطيت هـذي ولا ذيـه

ماجد الاحمدي=
للان الوضع مهما صار = للان والقدس محتلة
ماينفع الشجب والإنكار =المعتدي فرد في شلة
والبعض وقع عليه اقرار=مخالف الشرع والملة
الحل ؟ يالقايد البيطار= ياباهي الحسن والطلة
بخيتان البشري=
الوضع مادام فيه حصار=وفيه القوانين مختله
ملزوم تحتاط للاخطار = وتبحث عن علاج للعلة
الحق راعيه ياهودار = ينصر ولو طال به ذله
جواب 0 من حر نسل احرار = ياقرة العين فالحلة

ابن وازن=
مادامت انّا على بالك=أكيد انت على بالـي
سلام ماهو لك ألحالك=للكل فالملتقى الغالي
بخيتان =
لاطبت بيطيب لك فالك = ويطيب لاطبت لي فالي
ترحيب بالكل وبحالك = مادمت في صرحنا العالي
ابن وازن=
تسلم على طيب موالك=ويصفى لك العد وزلالي
وان كان جوك بيهنالك=دون المطر غيم يهنالي
بخيتان =
تهنأ لما يلايم احوالك = وجوّي به ادرى ويحلالي
والآن ماعاد يبقالك = غير الجزل كان يبقالي
ابن وازن=
الشين والنون مع..دالك=نهاية الجيم في دالـي
عد العدد كـم تهيالـك=وعد لك كـل معدالـي
بخيتان =
اربعمية سرعة ارسالك = وستين تردده آلي
وثلاثة اطقم لتجوالك = بين الكواكب و تجوالي
ابن وازن=
أطفي ردارك انا قبالـك=ياملبس الوصف خلخالي
غالي في حلك وترحالك=ثابي لك العـز منزالـي
بخيتان =
حسب الذي بان فاقوالك = البسته الوصف بقوالي
قدام ساهر لا يصحالك = ركز معي زين وصحالي
حنين الايام سوالك= مركبّ الروح لو جالي
وختامها الوصل بوصالك = يدوم لك دوم ميصالي