ديوان الشاعر(بخيتان البشري)

فايز ال محيسن=
سلام ياصاحبي بخيتان = ياحي فالك وحي طاريك
ياكيف تاجر طلع فقران = عيا رصيده يغطي شيك
بخيتان البشري=
يامرحبا يارفيـع الشـان = لبيـه يازاهـم بناخـيـك
أحيان يخسر وبعض أحيان = هذي تغطي خسارة ذيـك
فايز ال محيسن=
عسا البقا ياجبل رضوان = والسيل ماحركك تحريك
جاتك سحابه مطر هتان = لكن توارت تناظر فيـك
بخيتان البشري=
السيل يجري مع الوديان = مايدحم جبال لا يطريـك
سحابة الصيف ياسرحان = تقشع ولو برقها يغريك
فايز ال محيسن=
لاويش راسم على عنوان = زاهي مُميز ولا يخفيك
ناوي يتعشاء مع الشيهان = والحُرّ ماهو كما ذوليك
بخيتان البشري=
نفسك وتغويك يالأنسـان=أحيان فالتهلكـة ترميـك
ومادمت تمشي على برهان=لاذا يصيبـك وذا يخطيـك
فايز ال محيسن=
وختامها ياجبل حـوران = عندك خُطط فالمثل تكتيك
من عّدكم يرتوي الضميان = ولطيبكم ربنـا معطيـك
واللي بياكُل بدون أسنـان=لاهو يهمك ولا يذيـك
الذيب ماهمه الخرفـان=يهجد عليها بدون أتريـك

مهما تجرعت كأس المُر = فاللي مضالك من سنينك
اصمد على ماعليه تمُر = لك رب يالعبد بيعينك
سنين عجلا وبك تعبُر = دنياك قفرا بلا دينك
لابد فالمقبلة تظفُر = دام الصبر من عناوينك

بخـيـتـان الـبـشـري =
يقول قلبـه ثـلاث سنيـن=عايش لكنه طريـح فـراش
لا حي يمشي مـع الحييـن=ولا لبّسوه الكفن والشـاش
ناصر الحجوري=
الله في حالة هـذاك يعيـن=ياكم مثله طريـح وعـاش
دواه نظـرة كحيـل العيـن=الشـر لاشافهـا ينـحـاش
بخـيـتـان الـبـشـري =
مانته معي فالمسـار يميـن=لا تعيد غصني مسدْد كـاش
نازل عليك الوحي من ويـن=والا قلـوب الأوادم خـاش
ناصر الحجوري=
ردي علـى طالـع البيتيـن=جبته وصاب الهدف ماطاش
ومثلك يعرف القريشي زيـن=عن عذب الامثال ماينحـاش
بخـيـتـان الـبـشـري =
رميت رميـة بـلا تعييـن=واخطت معك طلقة الرشاش
اردفـت ياشاعـر النيليـن=لاجبت عايـش ولاعيـاش
ناصر الحجوري=
حرفي يقول المثمـن ويـن=ياللي تقول المعانـي مـاش
ماتقـدر تغالـط القـاريـن=والشمس ماتنحجب بقمـاش
بخـيـتـان الـبـشـري =
الحق واضـح بـلا تثميـن=حكمه فصل ماعليه نقـاش
أثنين عندي وجيـب أثنيـن=والطيـب باقـي ولا ينـاش
ناصر الحجوري=
إن كان واحد مـن المفتيـن=معروف فالصابيه لاجـاش
هاته ويكفي عـن الباقيـن=ماهو في فصل المعاني غاش
بخـيـتـان الـبـشـري =
اللي نظر شـاف بالثنتيـن=اصل الحقيقة بدون فـلاش
ما أسرعك وانته مدور ديـن=عوّد مطرك الغزير رشـاش
ناصر الحجوري=
إرجع وراء وراجع التدويـن=وسلط على المشتكى الأفلاش
جبته وما اردفت له سطرين=تحتـج لمحـاوره ونقـاش
بخـيـتـان الـبـشـري =
عجزت لا أعرف اجيك منين=تلعب معي طاش ياما طاش
خليت ليلـي معـك ليليـن=لا بان مسرى ولا مغبـاش
ناصر الحجوري=
اصغى معي واسمع الغصنين=اللي نقشهـا لـك النقـاش
أهل المثـل نـاس نقاشيـن=لاّ تجيهم إلا معـك منقـاش
بخـيـتـان الـبـشـري =
أهل المثل تعـرف الوافيـن=واللي بوسم العرب يعتـاش
وحنا رمينا الهـدف تقنيـن=يوم إن راع البصيـرة هـاش

حتى تصل غايتك صعبـة=غري مقفل بحرف اتـي
عيد النظر واحسب الحسبة=والاولـه لأهلهـا تأتـي

بخيتان=
سلام ياستاذنا الصقري = عساك طيب وبأحسن حال
قابل=
ترحيب ينصاك يالحجري= واخوك في احسن الاحوال
بخيتان=
عساك باقي على خبري =فالنايفة ياجويد الخال
قابل=
حاضر فمرقاي من بدري= مثبوت بالقول والافعال
بخيتان=
عسى السعد عنك مايسري =الشر مقفي وهو فقبال
قابل=
وعساه فالصبح والعصري= ويغشاك فالحل والترحال
بخيتان=
الحال في داخلي مزري = عيّا معي يستريح البال
قابل=
بين لنا خافي الصدري= لعل عنك التعب ينشال
بخيتان=
كني على صالي الجمري =كل ما عدلت الحمل بيي مال
قابل=
دور لروحك دوا يبري= لاتترك الجرح للاهمال
بخيتان=
ياكيف الاقي دواء يمري =مما بذاتي من الأهوال
قابل=
العسر من بعده اليسري =وبالله ماخابت الآمال

وليف الشوق=
يابومحمد عساك بخير=فاالملتقى ايام ماشوفك
سؤال عابرفخط السير=ويطربني الرد بحروفك
بخيتان=
يابو مُنى والليال تسيـر=لاشك تحكم بك ظروفـك
والحمدلِله ماشي ضيـر=وتُشكر وذا طيب معروفك

بخيتان=
في شوق له حيل مشتاقي = عيني تشوفه ولا اقوى فيه
هو صحيح الأمل باقي = فيما بقوله وما يُضنيه
تركي=
أكشف لنا بعض الاوراقي = وبين لنا العلم لا تخفيه
قدام لا لحظة فراقي = تكُتب نهاية لحن تُشديه
بخيتان=
كيف أكشفه داخل اعماقي = وأنا فذاته حكم قاضيه
حجمه فعيني له آفاقي = حجمي فقلبه زمن طاويه
تركي=
شارقتنا بعلمك إشراقي = ياراعي الطيب ومذريه
بأنشدك عن خُضر الأوراقي = ولأهملته الزرع من يسقيه
بخيتان=
ياصاحبي ما أنقطع ساقي = قــدام يضمأ أنا أرويه
اليا نطق بالهوى شاقي = وإذا سألته عليّ يخفيه
تركي=
ياصاحب المركز الراقي = لا باس وانت رجل نغليه
القول ياتي له اللحاقي = في حال أُرفق لنا تنويه
بخيتان=
أحس صدري معه ضاقي = وأحيان ماسمع على طاريه
( لابُعد لاقُرب لا فراقي ) = لكن وجوده على مافيه
تركي=
دمعي وقف داخل حداقي = مما بكم ياجناب البيه
مكتوب ماعنه مدراقي = عمرك كذا أنكتب تقضيه
بخيتان=
بالله لا تضيق اخلاقي = كان الأمل شرط لي تبديه
لو الذهب جبته اطباقي = غير الأمل شي لا تطريه
تركي=
حتى الأمل دون برّاقي = بالطول بالعرض ما يجديه
ولا لك مع الناس ترياقي = غير الأجر ربنا يجزيه
بخيتان=
على الملأ يعلن إحراقي = فبداية الأمر وافق ليه
هيا إشهدوا فيه يارفاقي = جرحي نزف يرفض يداويه
تركي=
ما أضن يجديك إشفاقي = مصير حُتم على راعيه
مذكور في كل الاسياقي = عن فاقد الشيء لا يعطيه

يالله يالعالي الوالـي=فقير عبدك غني ذنوب
يارب ياعالم بحالـي=قبل مماتي علي اتوب

قبلك تفرشت من حزني =وهمي وسادة زمن فاتك
ومعك زماني ملحفني =همك وحزنك ومأساتك

مانته لوحدك انا وياك = ياقلب بقطع علاقاتي
مع ذا وهذا وبلحق ذاك =اللي سببهم معاناتي