محاورة بين محمد الردادي وبخيتان البشري

محمد الردادي=
مرت علينا شهور عجـاف=الشعـر مايكتبـه شـاعـر
مدري من الشعر صار يخاف= والا العرب مالها خاطر
بخيتان البشري=
وايقت من عالي المشراف=واصبحت في وضعنا حاير
ولقيت من يحمي الميقـاف=شـروى محمـد وبـه خابـر
محمد الردادي=
عزالله الحق والأنصاف=واضح للعيان والناضر
مغير حضرتك ماينشاف=عساك للمنتدى عامـر
بخيتان البشري=
الـــود ودي اشــــوف الآف=واشوف ملـح الحكـي دايـر
حتى المعاني تجيك اصناف=يرتـاح مـن شوفهـا الـزايـر
محمد الردادي=
هذا طموحك مافيه اخلاف=لكن مافيه احـد حاضـر
خلاص يعني الشعر ينعاف=دام البشر كلهـا تكابـر
بخيتان البشري=
يا محمد الصيرفي صراف=وقـال المثـل لازم تسـايـر
الشعر متذوقـه مـا يخـاف=على الشعـر دامـك امثابـر
محمد الردادي=
صحيح نلعب على الأطراف=لعبت مهاجم وهـو عابـر
ماهو مثل ماسك المجداف=اللي مع الموج ومخاطـر
بخيتان البشري=
دام انتمركزنجيب اهداف=بالهـد والا علـى الطـايـر
المشكلة لو حصل إيقاف=او طرد فيه الحكم جايـر
محمد الردادي=
تدري نسوي لنا احلاف=نهاجم اللي يجي ثايـر
حتى يصيبه هنا خفخاف=ويحتار مايقدر يعايـر
بخيتان البشري=
اثنيننا فاللياقة خفـاف=والكل فالمستوى جاير
فريقنا كامل الأوصاف=من قابله يرجع يخايـر

يااااااااااااسلام

على هذا المنتخب المميز

صحت السنتكم

تقبلا تحيتي وتقديري

	صحــت السنتكــم دمتم برعاية الله وحفظة

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت السنتكم

وبيض الله وجيهكم والله يعطيكم العافيه على هالمنتخب المميز فعلا

صحت السنتكم.

صح لسان بن خير الله و بخيتان البشري

محاورة رائعه كما عودونا

بخيتان البشري @ محمد الردادي

صحت السنتكم

وبيض الله وجوهكم

محاورة رائعة

مشكور اخي بخيتان البشري على النقل هنا

وبارك الله فيك واشكرك على ردودك الوافيه والكافيه

فأنت مدرسه من مدارس الشعر الرائعه

وتشكيل الفريق او المنتخب وانت احد مهاجميه

يعني منتخب مابعده وخروووو عنه ههههههههه

الله يعطيك العافيه واشكرك واشكر جميع الأخوان على ردودهم التشجيعيه الرائعه

وتقبل اجمل التحايا

ودمت بخير

بخيتان البشري = محمد الردادي
صح الله لسانيكما وبيض الله وجهيكما على هذه المحاورة الرائعة والشيقة
سلمت على نقلها وإمتاعنا
سعدت بمروري وتصفحي
تقبلا تحياتي واحترامي