ديوان كسرات الشاعر ماجد عبدالله الجدعاني الحربي ( أبومديدة )

هذه المحاوره قديمه جرت بتاريخ 1/3/1424
بين أخوكم
ماجد أبومديده
وشاعر صف أملج المهندس
أنس الدريني

أنس الدريني=
من وِد عدّى حدود الوصـف=وإستلهم الحـرف مضمونُـه
سلام وإسمع رقيق العـزف=بأعـذب معانيـه ولحـونُـه
ماجد أبومديده=
كُل ماطرق للمسامِـع حـرف=مـن حِـس راقـي تغنّونُـه
أحسِب حساب المثل وأصُـف=وأهدي تراحيـب لحصونُـه
أنس الدريني=
شاجيتنـي والعيـون تـرِّف=من واقـع اللـي تشوفونُـه
لجلُه مـع المبتلـي ماكّـف=لحظه عن مشاغـل عيونُـه
ماجد أبومديده=
حتى لو إن الأمُـر مؤسِـف=يبقى كِـذا الوقـت وغبونُـه
واقِعك مالـك عنُـه محـرف=يلـزم عليـكُـم تـدارونُـه
أنس الدريني=
دمعي ذرف من ضياع الوِلف=اللـي مـن سنيـن يبنونُـه
والغيـر زاد البـلا وأخلـف=مقاصِـد الـلـي يـودّونُـه
ماجد أبومديده=
طرف المواليـف مايـذرِف=لـو ماالـعـواذِل يبكّـونُـه
واللي سعى بالفِتـن وأتلـف=بالعـقـل لازِم تكـيـدونُـه
أنس الدريني=
عيّت ظروف الزمان تصُّـف=فـي صـف منـهُ يوافونُـه
وللأن جرح الرفـق ينـزِف=وأنــا مـأمِّـل يـداونُـه
ماجد أبومديده=
بين الرفاقه سلـوم وعِـرف=ومرجـع لهـم مايـرُدّونُـه
لأصدّر قرارُه في أسوء ظرف=يـزول جـرحـآ يعانـونُـه

ويصحابنا سامحونا

لحن من ألحاني القديمه جري بين
أخوكم
ماجد أبومديده
وشاعر ينبع البحر الشاعر المعروف والشهير
طارق قاضي

طارق قاضي=
معجب أنا يالصريح العذب=يامن تميزت فالاسلوب
وابغى لحال المعنى طب=مادام سر الهوى مكتوب
ماجد أبومديده=
لا والله إني أنا المُعجب=ياأيُها الشاعر الموهوب
وماعندنا فالموده صعب=كُل شي للمشتكي محسوب
طارق قاضي=
نادر غرامي نسيمه هب=غالب وانا من سقم مغلوب
يقسى عليا بليا ذنب =وقلبي عن مواصله مايتوب
ماجد أبومديده=
درب الهوى صعب ومكهرب=خطير كُله محن ونشوب
أكيد فمواصلُه تتعب=لوكان مالك معاه ذنوب
طارق قاضي=
كنك تقوللي عنه جنب=والبعد ماهو لنا مرغوب
جوارحي تكتوي والقلب=لاغبت لحظة عن المحبوب
ماجد أبومديده=
بالعكس لوكنت متدرب=تاصل مع الود للمطلوب
واجب على كُل شيخ وشب=يستحملُه والقلوب تذوب
طارق قاضي=
شربت نهج المودة شرب= كملي بفن الهوى شيشوب
وإن كنت فنان ومجرب=بين لنا فالغرام دروب
ماجد أبومديده=
هيا أستمع ياالشقي وإطرّب=للي غزى فالغرام حروب
قايد ومحتاط وملهلب=وياما تملّك مُهج وقلوب
إن كان ضيعت درب الحب=يلزمك تصبر صبر أيوب
ولابد بعد العنا تقرب=وتشرب مع ودادكُم مشروب
ويصحابنا سامحونا=

مع تحيات أخوكم
ماجد عبدالله الجدعاني الحربي
أبومديده

هذا اللحن جرى بين
ماجد أبومديده
والشاعر
ياسر صالح الكبيدي
( ينبع البحر )

(ياسر الكبيدي)=
مـن سلسبيـل النقـا نقنـاه=حرف اللقاء فـي سـؤال ورد
سـلام فـي طالعـه سقنـاه=مايِّسـد للـي نباهـم ســد
(ماجد أبومديده)=
حـرف المـلاقـا تخيّلـنـاه=على غصون الزهر والـورد
ومـادام سـار الـذي نبغـاه=ترحيـب للـي نبـاه يـعَّـد
(ياسر الكبيدي)=
عسى البقى ياعزيـز الجـاه=راعي وفـا والعـرب تشهـد
سؤال حرفـه ذهـب صغنـاه=عسـاك تـأذن لنـا بالسـرد
(ماجد أبومديده)=
راعي الموافـى يمِّـد خطـاه=وإنت خطاويـك قُـرب وبُعـد
والأن صيـغ المثـل وإقـراه=مثلـك وشـرواك مايـنـرّد
(ياسر الكبيدي)=
شـوف الـذي ماتوقعـنـاه=ولا طـرى فالخـواطـر بُــد
حِمـل الجمـل مـال عدلنـاه=عـوّد علـى ميلتُـه مِـرتـد
(ماجد أبومديده)=
مـن كـان جمّـال مايخفـاه=تعديـل حِمـل الجمـل باليّـد
وإن مانعدّل وسّقُـه وأعـلاه=حتـى بثقـل الحمـول يشِّـد
(ياسر الكبيدي)=
حنـا علـى الكاملـه قدنـاه=والعِقـد زدنـا عليـه بعِقـد
ولانـي بربُـه ولا مــولاه=حتـى أقـوِّم عليـه الـحـد
(ماجد أبومديده)=
ماشوف لك حق فـي مسـراه=ولا لك في ميلُه وعدلُـه بنـد
أنصحـك لاتقـول خطّمـنـاه=ولاتقـول قِدنـاه لأبعـد حـد
مـادام لُـه صاحبُـه يرعـاه=بالعِرف يبـذل معـاه الجُهـد
وكُل شي محمي في وسط حماه=وأسلم طريقه لُكم فـي البُعـد
ويصحابنا سامحونا=

مع تحيات أخوكم
ماجد عبدالله الجدعاني الحربي
أبومديده