ديوان كسرات الشاعر ماجد عبدالله الجدعاني الحربي ( أبومديدة )

في زياره للشريف مشعل بن سالم العمري
اول أمس الإثنين 8 / 2 / 1430 بمنزله في هدى الشام
ونحن في معية الشيخ / عايش الصبحي
ورفاقنا جميل الصبحي & سامي الصبحي
عبدالله المحلبدي & محمد أبوحرق المزروعي
وبحضور كلآ من الشاعر مسعود المعبدي &
الشريف محمد حبيب الله & أحمد بن رزين & حامد أبوزيد ومجموعه من الأخوان الأعزاء
وقد دارت هذه المحاوره
بين أخوكم
ماجد أبومديده من جهه
&&
الشريف مشعل و قابل البشري من جهه أخرى

يامرحبا وأجمل الترحيب=بالشيخ عايش وخويانُه
ربعآ لهُم فالوفا والطيب=تاريخ من سالِف أزمانُه
عسى البقا والوفا مايغيب=عن المعزِّب وجيرانُه
جينا معا ذيب ننصا ذيب=فالطيب راجِح بميزانُه

شواهِد الطيب جابتنا=وأصحابنا طيبهُم مشهود
سلام فأول زيارتنا=حسب الذي بيننا معهود
هذا منانا وغايتنا=ونفرح بشرواك يوم يرود
ترحيب ترجم محبتنا=الله وخلقُه عليه شهود
كُل يوم تكبر علاقتنا=مِن راعي الجود زاد الجود
نِظهِر فرحنا بدمعتنا=وياشينها فرحة الملهود
إنتم وحِنّا صداقتنا=على الوفا كُل يوم تزود
ياصاح دمعتك زادتنا=وإحترت فالفاعِل المفقود
كيف أشتكيلك مصيبتنا=وأنا على فرحتي محسود
صروف الأيام هدّتنا=خلت جميع الليالي سود
أيامنا طول مِدتنا=ساعات تبخل وساع تجود
لكِّن سهِّل مهمتنا=حتى معك نبذِل المجهود
جروحنا في مودتنا=تسري مِسا والصباح تعود
ومادام شاهدت حالتنا=بالجُهد ماأنته قصير زنود
اللي بلتنا وداوتنا=في ميلها عدلها موجود
وحِنّا على حسب شوفتنا=تسعى وراعي السعو محمود

ويصحابنا سامحونا

ماجد أبومديده