سالم العرم ......واثنين مليون

قل بي قصيد وقلـت كلـك قصايـد=قصايدي بـك فاقـت اثنيـن مليـون
ياما سهرت الليل يـوم انـت راقـد=احاول اصور لك الوضـع وشلـون
حتى تصـدق فـي نهـار المعايـد=استغفـر الله يـوم كانـوا يصلـون
كنـت اتنقـى لـك بيوتـآ فـرايـد=ما احب اكررلك على مـا يقولـون
واسكت بعد عنـدي علومـآ جدايـد=تراي احبك قبل لا كون هـل لـون
من يوم انا صغير بي الحـب جايـد=ارسم على الجدران قلبيـن وعيـون
تبى الصراحه كنت عنصـر محايـد=لا تابـع النـادي ولا فلـم كرتـون
يشوقني نسنـاس خضـر الجرايـد=واكتب لك ابياتآ واغني لـك لحـون
مع زود عمري فـي حـب يتزايـد=مجنون ليلى غيره جنـون وجنـون
من خاطرك ندعس على كـل كايـد=لو كان صعب لخاطرك لازم يهـون
وسواس حبـك جـاب لـي النقايـد=الناس نوب تعدني شخـص مجنـون
ولو اني مـن اللـي بشعـره يهابـد=ويحكي مثل بعض العرب يوم يحكون
يا كان رحـت ادبـي لديـار زايـد=وفي ذمتي يا غيـر اجيلـك مليـون

لاهنت وصح السانك

تقبل التقدير والاحترام

وفقك الله

وصح لسانك مليون

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح لسانك
..
..
أسجل اعجابي بالقصيدة
..
ويعطيك العافيه ..

صح لسانك يالغالي
وبيض الله وجهك

تحياتي وتقديري
عاشق بريده

اشكركم على مروركم العطر وبيض الله وجيهكم

	المشاركة الأصلية كتبت بواسطة سالم العرم

	تبى الصراحه كنت عنصـر محايـد=لا تابـع النـادي ولا فلـم كرتـون يشوقني نسنـاس خضـر الجرايـد=واكتب لك ابياتآ واغني لـك لحـون

صح لسانك

ياسالم وعساااك سالم

اشكرك على مرورك الغالي

لاهنت وصح السانك