ديوان الشاعر قابل البشري

فواز الزويهري=
مقطوع الإرسال ياقابـل=والعذر أظنه عطل فالبرج
مير الوفا بيننـا واصـل=واللي يصلي لابد يحـج
قابل البشري=
معذار من عندنا حاصـل=وزعة ولاهوكلام وهـرج
مايلبس الحـق بالباطـل=ولايتبع اهل الدروب العرج
فواز الزويهري=
مقبـول عـذرك ولــك قـابـل=مـادام سيـرك علـى منـهـج
من بعدها القلب لك راسـل=فاللي سرىبود ولا أسرج؟
قابل البشري=
وافـــي ونعـمـيـن بالـقـايـل=ياللي على الطيب مايخرج
يوصـل لـكـم ردنــا عـاجـل=لابـــان لقـدامـهـا مــــدرج
فواز الزويهري=
نـزال فـي حيَنـا حايـل=حتى غـدا مننـا يـدرج
ولما تمكن طلـع مايـل=عن ودنا والوداد أبلج
قابل البشري=
من غير المنهج العـادل=ياصاحبي موقفه محرج
مافيـه مـن خوتـه طايـل=مادام كب الطريق وهج
فواز الزويهري=
ماكـان طبـعـه أبــد خـامـل=يمشـي عـدالـه ولا يـعـرج
واشي وشى بالردى عاذل=عـن خـوة الـود يالمخـرج
قابل البشري=
ان كان طيب ويستاهـل=حاول وشوف الذي ينتج
ولا بما عاملـك عامـل=وقفل على صحبته فالدرج

كيف اتعافا من جروحي=اللي دواها غدا يجرح
من بعد ماستوطنت روحي=وصارت حياتي لها مسرح

موت 00وابادة00على المكشوف=وبدم بارد00ومستهتر
وحنا العرب ردنا معروف =نعلن 00ونشجب 00ونستنكر

ياللي حرمت النظر شوفتك=زوّدت فوق الجروح جروح
أحرمتني ليه من همستك=اللي عليّه ترد الروح

لا واهني االذي فاقد=مشاعر القلب واحساسه
يقضي ليال الشقا راقد=مرتاح من همها راسه

لوكان صدك وهجرانك=سبب أسايه ومأساتي
تبقى حبيبي ونسيانك=من سابع المستحيلاتي

أضحك وهمي معي ساكن=ومن جور الايام مافرقت
ماني غريب الوطن لكن=محسوب مثلي غريب الوقت

يشكي سنين الاسى ملتاع =آهاتها ذوبت صوته
حتى تمادت به الاوجاع=وصارت حياته كما موته

الناس نامت واناسهران=ليه نجم فالسما ساري
ارقب مغيبه واناحيران=كلما انطفت ولعت ناري

بيه هوى فالفؤاد مقيم=عن غير الاحباب ينهاني
حرم علي الصفا تحريم=ناحل كما العود خلاني