النوم غايب عن عيوني ولابيه

النوم غايب عن عيوني ولابيه =من يوم غابت ياحمد عن حياتي
اول نهاري اكتب الشعر وابنيه=واخر نهاري زاد همي سواتي
اسهر مع النجمه ليا حان طاريه=وتربط حروف الود ذاته بذاتي
له نظرتن فيه ولي نظرتن فيه=ولو دارت الدنيا غلاها ثباتي
بين المحاني في خفوقي وداريه=وبين الضلوع الحدب راحت وجاتي
لاسهلمت بالعين همي تداويه=تبري جروحن لبعدت ماتباتي
الكون عندي من غلاها تساويه=وحبه بوسط الروح جمع شتاتي
طيفه معي لاضاق صدري أحاكيه=في كل ليله من ليالي حياتي
صحيح عايش في دياره وأراضيه=مير القدر عنه يبعد خطاتي
وأن كان من صوبه لحقني مشاريه=ماهي على كيفي ولاهي وصاتي
القلب ماحقق زمانه هقاويه=ليته يقدر ياحمد تضحياتي
عامين ماحقق خفوقي مراميه=ماهو جفا ولى الوفاء من صفاتي
الوقت فرق بين غالي وغاليه =وأركى على الخفاق والعمر فاتي
يبقى لنا الميثاق ماني بناسيه=من بيننا منساه حتى وفاتي
مرسال شوق وشوق قلبي يداويه =لاشفتها في ليلة العمر تاتي

الوقت فرق بيـن غالـي وغاليـه
الوقت فرق بيـن غالـي وغاليـه
الوقت فرق بيـن غالـي وغاليـه


وأركى على الخفاق والعمر فاتـي
يبقى لنا الميثاق مانـي بناسيـه
من بيننـا منسـاه حتـى وفاتـي

::

ابيات قمة بالروعه

ايها الشاعر الراقي

صح لسانك وسلم قلبك مليون ويزيدون

::


دمت بوافر التقدير

لاهنت يا حموووووووود



لاهنت على هذا القصيد الملياااان



تقبل مروري وسجل اعجااابي

سلافة الحب صح بدنك

ومرورك تشريف

بارك الله بيك يا حمود علا هذه القصيده وابداعها

بارك الله فيك على هذه القصيده الرائعه وكل عام وانت بخير
اخــــــــــــــــــــــــــــوك
سعدالفريدي]

الله الله الله ياحمود الجابري

سطرت ابداااع رااااائع

رغم واقعها المرير

والله يلم الشمل ويجمع الشتات

وصح لسانك وبيض الله وجهك

تقبل اجمل التحايا

ودمت بخير

عماد القرافي

صح بدنك ومرورك تشريف

صح السانك وبيض الله وجهك

قصيده جزله وجميله عانقةسماء الابداع والروعه لاهنت

ابومشاري صح بدنك واشكرك على المرور