( محاوره بيني وبين الشاعر / ابو سالم الرحال)

هذه المحاوره
جرت بيني وبين
امبراطور الكسره
الشاعر الكبير/ ابو سالم الرحال
وقد نقلتها لكم من منتدى
( مجالس الأحامده)

خــالــد عـبــيــد=
بسم الذي قسـم الأعمـال = واللي أمرنا على الحسنـات
بالقاف بمشي مع الرحـال = ابيات في واحة الكسـرات
الـــــرحــــــال=
وصلت وابشر بطيب الفـال = يامرحبا وابـرك الحـزات
منك انتظر طيـب الأمثـال = واعطيك من عذبها لاجـات
خــالــد عـبــيــد=
محسوب من خيرت العقّـال = ومشهود لك من رجال ثقات
اشكي لكم من هموم ثقـال = ياللي لكم بالطلـب وقفـات
الـــــرحــــــال =
آنا اعرفك من رجال جمـال = بعزومهـا تعـدل الميـلات
وكل عقـده ولهـا حـلال = لتعالـج الهـم بالهوشـات
خــالــد عـبــيــد =
شفت المكايد واشفت اهوال = واكتم على جورهم بسكـات
رحال حملـي يهـد جبـال = عزي لمن طاح بالنشبـات
الـــــرحــــــال=
شوف السبب وين والأشكال = اللى مسبـب لـك الآهـات
وعالجـه بالعقـل فالحـال = واسقيه كاس الدوى جرعات
خــالــد عـبــيــد =
قليل مـن يمـدح الرجـال = وياكثر من يحسب الهفوات
والزين طاوع بـي العـذال = ومن غيبته يضحك الشمات
الـــــرحــــــال =
ياكـم طيـب وكـم بطـال = وعلى كذا كلهـا الحـالات
ومن طاوع العاذل المحتـال = جنب جنابك عنـه بالـذات
خــالــد عـبــيــد =
انجيت ابسلا فـؤادي مـال = عن درب الافراح واللـذات
منزالهـا بالحشـا والبـال = ماتغيب عن بيتها لحضـات
الـــــرحــــــال =
خذ حكم وافى وعال العـال = ما دام مالك عنه وجهـات
خلى حبالـك معـاه طـوال = وغرامك ارفع له الرايـات
مادام فـى منزلـه نـزال = مجبور تولى له الطاعـات
لاتسير ما بين قيـل وقـال = ويضيع وقتك فـود وهـات