زين عالمٌ جميــــــل ... ( ماهمني مِيزت الأرقام )

السلام عليكم ورحمة الله وبركاته

زين للأتصالات =
من قبل لاتنسخ الأقلام = وتشوف الأمثال مبنيه
اعداد ما فاليمن والشام = مني سلامات مثنيه
فيصل بن معتوق=
يامرحباً يالعزيز الهام = ضعف اللذي بان وشويه
واعداد ما فالبراري حام = من طير نغري وقمريه
زين للأتصالات=
فيك البقا أيها المقدام = على الوفا ناركم حيه
أكيد شاهدت فالأعلام = اسمي غدا فكل طرقيه
فيصل بن معتوق=
ماهمني مِيزت الأرقام = متسلسله أو ثنائيه
بقدر ماتحققي أحلام = يازين شعب السعوديه
زين للأتصالات=
عندي خبر انكم منضام = ياشعب ياطيب النيه
والياس فيكم عطاله زام = ومن البعض جاتكم كيه
فيصل بن معتوق =
يازين مرت علينا أيام = أبراجهم فل وهميه
نبغى اتصالك على مايرام = والسهم يوشك على الميه
زين للأتصالات =
على لسان المدير العام = هذي افادات رسميه
رضا المواطن علينا وسام = لو كان أقصى الجنوبيه
فيصل بن معتوق =
على الأسى صابرين أعوام= ماهو على الكيف جبريه
وامالنا فيك فوق الّهام = وحتى نتلاقا وداعيه

أخوكم ..