( نرجو التصويت لشاعرنا احمد بن ناحل ) بعد تعديلها

كتبت خطـي للوجيـه المسافيـر= في منتدى فيه المعانـي مصونـه
للعزوه اللي كـل ابوهـا مناعيـر = بين العرب نوماسهـم يذكرونـه
بالمحفل اللي تابعـوه الجماهيـر= سفيركـم بالشعـر لاتتركـونـه
شاعر يمثلنا وحنـا لـه انصيـر = سيفه وريفـه وانبغانـا عيونـه
حيثه ولد عم ٍ ولا فيـه تقصيـر = لـه واجـب ٍ ياربعنـا تدعمونـه
شعره جمع مابين حكمه وتصويـر = والقاف ياتيلـه برغبـة لحونـه
محفوظ له بالقلب حشمه وتقديـر = نجمع عزيز المـال نفنيـه دونـه
والوضع مايقبل تـروي وتفكيـر = والراس عزه دايما ً فـي متونـه
وان رحت يااحمد وعتليت المنابير = اهدم جسور الخوف واهدم حصونه
بس اتكـل باللـي عليـه التدابـيـر = ومن اتكل بالله صابـت ضنونـه
عساك في دنياك تمشـي بتيسيـر = وتبقى زبون الخير تبقى زبونـه
خطي وصلكم يالوجيـه المسافيـر = والله مع اللي ساعـي ٍ بالمعونـه

الشاعر/ خالد بن عبيد بن معتوق الأحمدي

الله الله عليك

صح لسانك


قصيده رائعه وتستحق الاعجاب من شاعر متمكن


لاهنت


تقبل تحياتي

صح لساااااان الشاعر خالد الأحمدي
وبيض الله وجهه

واحمد يستااااهل كل خير



واتعجب من هذا البرود العجيب من قبل ابناء العمومه تجاه احمد
على الرغم من حصوله على المركز الأول في المرحله الثااانيه
ووجود شعراء كبار معه في نفس المجموعه..



فاااااالك السيف يابن ناااااحل

يستاهل

ولد قبيلنتا


ارق سنووووووووووووووووووووووود