ديـوان الشاعر / نفاع محمد السهلي ابوفـــرح

مع الشاعر كـارم
.
.

كارم

مني لكم فـي ورق شفـاف = سلام وابصم عليه الخمـس
إني بعد ما جفيـت القـاف = أصبحت ماضي طواه الأمس

ابوفرح

يامرحبا با اللذي لوشـاف = قدره مابين القمر والشمس
ماغاب ليله عن الميقـاف = يوم الليالي صفا مع عمس

كارم

منك الحكم واحكمه بانصـاف = في الواضح اللي لمسته لمـس
من يعتلى عالـي المشـراف = ينسى الخوي والحديث الهمس؟

ابوفرح

من عاف ربعه ترا ينعـاف = لو هو تعـلا يعـود طمـس
ومركب بلا مـوج يالعـراف = اغبر نهـاره وليلـه دمـس
كيله مـن البـن فالمغـراف = وانته من اللي يحمسه حمس
دام القلوب الوفيـه نظـاف = حمل زهابك معي فالجمـس

.