ديوان الأشجان في لحن الدان ( فواز الزويهري ) .:،’,,.:،,.:،,.:،,.:،,.:،,.

ابن خير الله الردادي

المعذره جيتكم الآن=والقاف أنا أعرفه واجيده
بس الذي صار مهما كان=الشعب مايغدر بسيده
والشعب في مجمل الأوطان=دايم مع الحكم تأييده
لكن أنا حاكم الشجعان= وبحكم عليكم بتأبيده
والآن أنا أنزل الإعلان=إعلان صارم بتشديده
إن الحكم واجب النسيان=ومن صدره جاز تهديده
بتوقيع من نائب الربان=إن الحكم عصمته بيده
واللي يخالف ترى بلشان =ومخالف الأمر مايفيده
هذا وأزودكم العنوان=واضح وبالضبط تحديده
تحت النخل داخل البستان=والنت ياصعب تمديده
وماحولي إلا من الريحان=وأزهار من ورد أوركيده
والشكر لله والعرفان =والقاف لابد تجديده

فواز الزويهري

ياصقر يانافض الجنحان = فواز حاضر لتخديده
الفن من يحسنه فنان=والحرف فالحال تسديده
اسمك علا عالي الأقنان=ومن كان مثلك ترى انريده
يبدع لنا في لحون الدان =شعر (ن) طربنا بترديده
الطيب دايم على الإنسان=ملبوس عز (ن) لتمجيده
وأنت لنا فالوفا شامان =ويروم من زان توديده
واليوم في قبضة السجان =اسمك وفنك لتخليده
جيب القلم واكتب الأشجان =والقلب حرر مراديده
ياما وياما كتب وجدان =في ساحة العشق توليده
بين الفرح والفرح أحزان =والحرف للود تجنيده
كم غلب الود من شبان=والشايب اسمع تناهيده
ومحال عود الهوى مالان=توميبه الريح وتعيده