كسرة لعموم الشعراء(مافيه للقلب مستثمر)

	المشاركة الأصلية كتبت بواسطة ابن خيرالله الردادي

	الله الله الله ياسلام عليك اخي قابل البشري صح لسانك واستثمار القلوووب يزيدها عنا ومشقه اليك رد مستعجل القلب لو تضبطه يثمر=حافظ على القلب لاتشقيه خلك معه واعمره يعمر=وطلب من الله لك يهديه تقبل تحياتي

صح بدنك يابوسامي
ضبطنا فيه ياخوك لين تعبنا عيا ينضبط
أشكرك على الرد الجميل
تحياتي

	المشاركة الأصلية كتبت بواسطة جريح الفرقا

	صح السانك وهذي محاوله علي قدي اكيد للقلب مستعمر=اليا ولا القلب لك يشقيه لوتشرط اشروط ماتثمر=الحب قلب المحب يذيه

جريح الفرقا صح بدنك يالغالي
بالعكس كلامك ممتاز وفيك الخير والبركة
وأشكرك عليه
لو له مستعمر مادورنا مستثمر
تحياتي تقبل

	المشاركة الأصلية كتبت بواسطة ابو تـــركي

	صحت السنتكم دمتم بحفظ الله ورعايته

صح بدنك يابوتركي
ودام عزك والله يحفظك يالغالي
تحياتي تقبل

	المشاركة الأصلية كتبت بواسطة ابو بتال

	مشكتى رائع .. يا قابل والشباب ما قصروا صح السنتكم جميع .. ابو بتال

أبوبتال صح بدنك وتمنيت لو أدليت بدلوك
فلا شك كلامك يروق لي
تحياتي تقبل

	المشاركة الأصلية كتبت بواسطة الـقـيـصـر

	صحت السنتكم جميع

القيصر صح بدنك
تشرفنا بمرورك
تحياتنا تقبل

	المشاركة الأصلية كتبت بواسطة الحب الباقي

	صحت السنتكم وبيض الله وجيهكم والله يـعـطـيـكم الـعـافيـــــــــــة

الحب الباقي صح بدنك يالغالي
الله يعافيك ويسلمك
تحياتنا

	المشاركة الأصلية كتبت بواسطة عيسى العوفي

	الله الله ياقابل مبدع مبدع في شعر الكسرااات صح لساااانك مدد بلاعدد والاخوان سبقوني وبيض الله وجيههم وانا ترى عليمي بالكسرااات لكن بادلي بدلوي ولاشفت ابوفياض النويمي وينه ترى نلزمه بالرد هههههههههه القلب مثل الشجريضمر=يذبل لياصرت ماتسقيه ترى المنى زايده يدمر=والياس مثل الفنى يفنيه

صح لسانك ياعوفي وصح بدنك وأنت شاعر مبدع
وردك جميل ووافي من شاعر متمكن
تحياتي تقبل وتقديري

	المشاركة الأصلية كتبت بواسطة لافي

	تكفى ليا شفت من يقدر=يعمِّر القلب ويهنيه عطني خبر عند مايحضر=بأعطيه قلبي يتاجر فيه

دورت وانته معي دوّر=وليا لقيت الطلب عطنيه
ولا انت قلبك خضر مثمر=عنده من الخير مايكفيه

	المشاركة الأصلية كتبت بواسطة ماهر ابو خالد

	هذي والله البلوه ياقابل مافي ياخوك ما شفت حتى لافي مو محصل صح لسانك ويعطيك الف عافيه ولاهانوا من ردوا بيض الله وجيهكم

وش نسوي ياخوك
انت ولافي كلكم بخير علومكم زينه
صح بدنك والله يعافيك
تحياتي