ديوان الشاكر قسم الكسرات

ساهمت في منتـدى وده = ورجعت بالبيرق المنشور
وعشت مع جزره ومـده = من العشاء لاطلوع النور
ومديت يـدي ابـا يـدّه = وكفها قال لـي مشكـور
أثره حلـم نعنبـو جـده = خلاني ابوح بالمستـور

بعض المرض يلتقى لـه طـب = والبعض مالـه دواء معـروف
والمشكله فـي عـلاج الحـب = وادهى وأمر المرض في الجوف

سـلام ياملتقـى عامـر = بحرب النشاما هل الطالات
لفيتكـم بشـرح الخاطـر = وأعدها أسعـد الحـزات

ابغى شريحة سوى للنت = وتفعلوها علـى شانـي
ولا تقطعوها لا مني مت = كله على شان خويانـي

يامـا درسـنـا وكافحـنـا = ونلنا شهـادات مفروضـه
وان كان في الكون مااصلحنا = في يوم الاشهاد مرفوضـه

ارقب امل من بعيد يلـوح = كلي رجاء في حياه افضل
اجري بنا يا سفينة نـوح = قـدام كــل الشـجـر يـذبـل

شجرة شفا غصنها يومـي = تلعب به الريح فوق وتحت
قلبي سواته مـن همومـي = من صغر سني وانا مارتحت

علي ماللزمن سلطـه = ولااحمله ناتج افعالـي
الله يامكبـر الغلطـه = لاجات من ناس عقالي

العام قصيت لـي جـرة = وعرفت وأين المطر هتان
منه سكن وسقة الحـرة = ما هو كما ساكن البستان
دستور ياعالِم الذره = يامخيّل البرق والامزان
خبر به اكبود محترّه = سنين في عالم النسيان

اجمل تحية وباقة ورد = للكل في الملتقى لماح
سؤال وابغى الجميع يرد = منهُ الذي في الهوى مرتاح
يااستاذ هذا الهوى كالعـد = كــل بـدلـوه ورد يـمـتـاح
وكل من اللي زرع يحصد = عطفاً على خبـرة الفـلاّح