ديوان الشاعر نعيم عابد السيد ( القلب الدافئ )

يا رب يا مستوي عـ العرش=برفع لك ايدين دعويه
اليوم وصلت معي للأتش=واصبحت في حال مرثيه

ابو بتال

زمان عن شوفة الاحباب=اللي لهم فالحشى مسكن
سلام وجو المعنا طاب=في منتدى طيب المعدن
يا عازف الشوق بعد غياب=ومترجمه بحس متفنن
يبقى الامل فاتح الابواب=بالورد والفل والسوسن

ابو بتال

العيد يا حبيّبي فرحه=تفرح به الناس بعد صيام
ويا فرحتي بك لو مزحه=افرح بك اليوم بعد زيام

ابو بتال

جينا نعايد فيوم العيد=احباب مثل الذهب واغلى
فن الوفى عندهم تمجيد=في ساسهم عهد ما يبلى

ابو بتال

هذه كسرة بمناسبة المولدة الغالية للخال الغالي محمد عويد السيد

يا لين بعد القسى لانت=لانت بعد القسى يا لين
وانوارنا بالفرح زانت=في ليلة(ن) تشبه العيدين
يوم الفرح ساعته حانت=في داركم .. الاميره لين
مبروك مثل القمر بانت=قولوا ماشاء الله يا حلوين

ابو بتال

ما ظن وقت الصفا بيعود=الي مضى في زمان اول
ما عاد يذكر ولا مشهود=عن عصرنا صار متحول
ليه الامل عندكم مفقود=والشمس للآن تتجول
ما دام رب السما موجود=ياتيك بالفرح لو طول

ابو بتال

اليوم قفلت معي بالشيش=يوم اتصل ليه يسفهني
يضرب على موعده تطنيش=وانا اتحراه يلحقني

ابو بتال

كانت هناك مجاراه بيني وبين الشاعر ابن خير الله وقد بدأها ..

تسلم على الرد يا دكتور=دكتور من دون سماعه
تصرف روشتات للطابور=وتعالج الامر في ساعه
كل العفو منك يا مخبور=بالطيب في كل مطلاعه
تبقالي استاذي المنظور=معطيله السمع والطاعه
العفو يا صاحبي مشكور=سيد ومعروف بأطباعه
آمر واطيعك بكل سرور=أمرك نعده لنا طماعه
اللي تشوفه بدون غرور=اشوفها ابرك الساعه
انت حكما وانا الجمهور=سفر على بداية ابداعه
صفرت يا بادي المنثور=لصياغة عقود لماعه
صحيح طيح الفتى منظور=لكنه يقوم بذراعه
اهلاً وسهلاً بحر وبحور=والبحر ما فيه فرّاعه
نبغا نسايرك بمالمقدور=والسبع ما ياكل اسباعه
يا مرحبا سرتبك مسرور=يوم الصفا شد بشراعه
الحال من يمتي مكسور=والفرح ما لاح لي شعاعه
يا خوي لا تلف بي ودور=حنا ترى نعرض بضاعه
اما خذوها من الحنجور=او علقوها بشماعه
لا والذي حافظ المعمور=نغليك من ود نبّاعه
والقصد واضح ما هو مستور=نفسي من الحب ملتاعه
يا الله تعين الذي مقهور=الحب يا مكثر اوجاعه
ساعه يقولون مثل النور=وساعه يدورون فزاعه
آمين نلقى دوى مجبور=يشفق على القلب فنزاعه
حاولت ابعد عن المحظور=ويا للأسف طحت فالقاعه
ان طحت تلقى دوى مشهور=تلقاه دايم مع الباعه
اما يصير الاسد مسعور=ولا الاسد عدل اوضاعه
كلك وفى يا زهر مزهور=يا طيب الاصل وافراعه
تبقى نجم في بحر وبرور=اعرفك الدرب تباعه
خلاص نقفل على الماطور=لا يزعج الناس بصداعه
حنا ترى ناصر ومنصور=فمانة الله وفي وداعه

ابو بتال

الموت مكتوب ومقدر=والكل يفنى ويبقى الله
ويا ليتنا بس نتدبر=وننتوب من ذنب سويناه

ابو بتال

جده وفيها حياة الروح=من سابق الوقت للحاضر
مغنى ومعنى بكل وضوح=تسعدك وطيب الخاطر

ابو بتال