!!! يـا عين أبـوي !!!

قصيدة ... لشاعر الرائع العذب ...

][ السويلمي سالم ][ ...

صح لسانك ياخوي وتسلم يمينك ويعلى شانك دوم ...

ياعين ابوي انكان ماني على البال = انتي ببالي عاملت/لك عمايل
ياجلجلة ضحكه تقطّعني اوصال = من شانها صلّيت بطعوس حايل
ذاك المكان بغيبتك اصبح اطلال = ياما رثيته بالدموع الهمايل
ياما تلحفتك وهو فوقنا ظلال = وياما نقشنا فوق صدره دلايل
شيخ ٍ شموخه من بعد غيبتك زال = وماعاد يُذكر من عيال الحمايل
غبتي وانا فيه انثر الشوق باهمال = ولشوفتك ماتت جميع الوسايل
اسأله جاوبني بخيبات الامال = جاء في ضفاف الياس حط الرحايل
همت بصحاري غيبتك اقطع اميال = ضامي ولا يروي ضماي البدايل
في نظرتي من كسرة انفوس الاطفال = وفي زفرتي من ولولات الثكايل
ملتي عن عيوني ومعك البخت مال = ولا جنابك شوقي الا الفشايل
طالت وانا معها على كل الاحوال = اسأل والاقي اجوبتهم هزايل
عفت المكان وخذتلي عنه منزال = من غيبتك لاشك مابه صمايل
فجاه وعن غفله ومن وسط الازوال = لمحت زولك في مكاني تمايل
الروح حسّت في وجودك على الحال = والشك قام وبرّكته الرسايل
انتي هي انتي بعد غربه وترحال = قربك تأكد واصبح الشك زايل
في جيّتك صدري لك ايجندل ابطال = لجلك صحوبي من جميع الفصايل
من نشوته شاعرك يضرب بك امثال = ومن سطوته فارسك سوى الهوايل
تدري غلاك بجيّتك فيك وش قال ؟؟ = والا بلاش اقول . ماني بقايل
بس الوكاد ان كنت ماني على البال = انتي ببالي عاملت/ لك عمايل

؛
؛
؛

أتمنى أن تعجبكم ...

قصيده رائعهـ

يسلمو على النقل

وصح لسان قايلها وناقلها

تقبلي تحياتي

	الله يـعـطـيـك الـعـافيـــــــــــة على الاخـــتيار المــوفــق وصح لسان قايلها وناقلها بيض الله وجهك

اختيار رائع وقصيده رااااائعه جدا

وسلمت يمينك على نقل هذه القصيده

وصح لسان الشاعر/ سالم السويلمي

لمعه الجليد

صح لسان قائلها

وسلمت يمين ناقلها

صح لسان قايلها وناقلها

تسلمين لمعة الجليد على نقل للشاعر العذب سالم السويلمي



اللذي ابدع بالغزل



شاعر يدخل القاري جو جميل حتى يظن ان ماحصل حقيقه ليس مجرد خيال


همت بصحاري غيبتك اقطع اميـال
ضامي ولا يروي ضمـاي البدايـل
في نظرتي من كسرة انفوس الاطفال
وفي زفرتي من ولـولات الثكايـل


ابداع في ادخال الصور


شده ثم براءه وطبيعه ودمج الصوره النفسيه بذلك بدون تكلف


شكرا لمعة الجليد

صح لسان قايلها وناقلها

قصيده جميله شكرا لك على النقل